|
236 PENTREGRONW
CYFEIRNOD GRID: SN 790279
ARWYNEB MEWN HECTARAU: 36.42
Cefndir Hanesyddol
Ardal gymeriad fechan ar lethr de?orllewinol Mynydd Myddfai, yn gorwedd
o fewn Maenor Myddfai, Cwmwd Perfedd, Cantref Bychan gynt, yr ymosodwyd
arnynt gan yr Eingl-Normaniaid o dan arweiniad Richard Fitz Pons a sefydlodd
caput yn Llanymddyfri ym 1110-16 (Rees n.d.). Dychwelodd o dan reolaeth
Gymreig yn ddiweddarach, ond o 1282 ymlaen arhosodd Arglwyddiaeth Llanymddyfri
yn nwylo'r Saeson, er i arferion tirddaliadaeth cynhenid oroesi hyd ddiwedd
y cyfnod Canoloesol pan y'i hymgorfforwyd yn y Sir Gaerfyrddin fodern.
Fe'i daliwyd yn y cyfnod ôl-ganoloesol gan Fychaniaid Gelli Aur a Ieirll
Cawdor (James n.d., 87). Mae'r ardal gymeriad hon yn ardal fechan o dir
caeëdig sy'n ffurfio poced yn ymwthio i weundir Mynydd Myddfai, nas caewyd
fel arall, ac mae'n cynnwys 28 o gaeau bychain afreolaidd o amgylch tyddyn
bychan Pentregronw, a farciwyd ac a labelwyd ar fapiau o ddechrau'r 19eg
ganrif. Mae ffurf y clostiroedd yn awgrymu gorgyffyrddiad Canoloesol diweddar
neu ôl-ganoloesol i'r gweundir agored.
Map a atgynhyrchwyd o fap yr OS gyda chaniatad
yr Arolwg Ordnans ar ran Rheolwr Llyfrfa Ei Mawrhydi, © Hawlfraint y Goron
2001. Cedwir pob hawl. Byddai ei atgynhyrchu heb ganiatad yn torri Hawlfraint
y Goron a gall hynny arwain at erlyniad neu achos sifil. Rhif y drwydded:
GD272221
Disgrifiad a hanfodion hanesyddol y dirwedd
Gorwedd yr ardal gymeriad fechan hon ar lethr serth iawn sy'n wynebu'r
de-orllewin rhwng 220m a 340m o uchder ar ymyl Mynydd Myddfai. Caewyd
yr ardal yn gaeau bychain lled reolaidd gan gyfuniad o waliau cerrig,
cloddiau pridd a chloddiau caregog. Arferai'r gwrychoedd dyfu ar y cloddiau,
ond mae'r rhain bellach naill ai wedi syrthio neu wedi tyfu'n wyllt. Mae'r
waliau cerrig mewn cyflwr adfeiliedig. Ceir tir pori wedi ei wella ar
y llethrau is, llai serth, ar y pen gogledd-orllewinol a wnaed yn ddiddos
i gadw da byw rhag crwydro â ffensys gwifrau. Yn y mannau eraill mae'r
ffiniau wedi'u dymchwel ac mae'r tir yn dychwelyd i fod yn weundir. Saif
Pentregronw, ffermdy gwag sengl, ar y llethrau is.
Mae'r archeoleg a gofnodwyd wedi ei chyfyngu i Bentregronw,
y ffermdy bychan a godwyd â cherrig sydd yn fwy na thebyg yn dyddio o
19eg ganrif, a chyn fwthyn cyfagos, heb i'r un ohonynt fod yn adeilad
nodedig.
Mae hon yn ardal a ddiffiniwyd yn dda gan ei bod wedi ei
hamgylchynu ar dair ochr gan weundir agored y Mynydd Du, ac ar y bedwaredd
ochr, gan hen ffermydd a chaeau a sefydlwyd ers amser.
|