![Allt Goch](webphotos/alltgoch.jpg)
ALLT GOCH
CYFEIRNOD GRID: SN 671813
ARWYNEBEDD MEWN HECTARAU: 54.2
Cefndir Hanesyddol
Er ei bod yn bosibl yn hanesyddol fod rhan o’r ardal hon wedi’i
lleoli o fewn Maenor Nantyrarian a oedd yn eiddo i Abaty Cwm-hir, mae’n
debyg bod y llethrau serth iawn lle y’i lleolir bob amser wedi rheoli’r
defnydd a wneir ohoni fel coetir. Yn sicr ym 1791 mae’r ardal yn
llawn coed, fel y dangosir ar y map cynharaf o’r ardal (LlGC Castell
Powis 164). Mae’r darn o goetir ym 1791 yn debyg i’r un a
welir heddiw. Dengys mapiau hanesyddol nad yw wedi newid ryw lawer yn
ystod y ddwy ganrif ddiwethaf, er bod y Comisiwn Coedwigaeth wedi ailblannu
rhai clystyrau o goetir llydanddail â chonifferau. Mae tystiolaeth
o weithgarwch cloddio am blwm i’w chael yn y coetir drwyddo draw,
ond lleolir y prif lefelydd y tu allan i’r ardal hon i’r de.
Mae’n amlwg bod gwaith rheoli gofalus gan ystad Castell Powys, ac
yn fwy diweddar gan y Comisiwn Coedwigaeth, wedi diogelu’r coetir
hwn rhag cael ei anrheithio gan y diwydiant cloddio plwm, ac wedi atal
y coed rhag cael eu cymynu fesul tipyn gan ffermwyr-denantiaid ac unigolion
eraill.
![Allt Goch](webphotos/alltgoch2.jpg)
Disgrifiad ac elfennau hanfodol y dirwedd hanesyddol
Llethr serth iawn, yn drwch o goed a leolir rhwng 60m a 220m. Mae’r
coetir yn gymysgedd o goed caled a chonifferau. O fewn y coetir ceir tystiolaeth
o domenni sbwriel, siafftiau a mynedfeydd y diwydiant cloddio plwm.
Mae i’r ardal hon ffiniau pendant a cheir tir amaeth amgaeëdig
is i’r de a thir amaeth amgaeëdig uwch i’r gogledd.
Map a atgynhyrchwyd o fap yr OS gyda chaniatad yr Arolwg
Ordnans ar ran Rheolwr Llyfrfa Ei Mawrhydi, © Hawlfraint y Goron 2001.
Cedwir pob hawl. Byddai ei atgynhyrchu heb ganiatad yn torri Hawlfraint
y Goron a gall hynny arwain at erlyniad neu achos sifil. Rhif y drwydded:
GD272221 |