|
THEMÂU TIRWEDD HANESYDDOL RHAN ISAF DYFFRYN TEIFI, A DRE-FACH A
FELINDRE RHANIADAU GWEINYDDOL HANESYDDOL
Cyn y goresgyniad Eingl-Normanaidd gweinyddid gorllewin
Cymru fel nifer o deyrnasoedd neu wledydd bach, a oedd wedi’u sefydlu
cyn yr 8fed ganrif OC. Mae’r ddwy ardal gofrestr yn gorwedd o fewn
ffiniau modern sir Gaerfyrddin, Ceredigion a sir Benfro, sy’n cyfateb
yn fras i ffiniau’r hen wledydd. Mae i Geredigion yr un ffiniau
â gwlad Ceredigion. Mae sir Benfro, a sir Gaerfyrddin i’r
gorllewin o aber afon Tywi, yn cynrychioli gwlad Dyfed, tra mai sir Gaerfyrddin
i’r dwyrain o aber afon Tywi oedd gwlad Ystrad Tywi. Ar ddechrau’r
11eg ganrif daeth y ddwy wlad olaf yn rhan o deyrnas Deheubarth a gynhwysai’r
rhan fwyaf o dde-orllewin Cymru (Rees 1951, 19).
O fewn pob gwlad roedd unedau gweinyddu neu ystadau llai
o faint a elwid yn faenorau ac mae tystiolaeth eu bod yn bodoli ers y
9fed ganrif. Cynhwysent nifer o ‘drefgorddau’ neu drefi. Erbyn
yr 11eg ganrif roedd dwy haen weinyddol ychwangeol wedi’u cyflwyno
- sef y cantref, a oedd yn llythrennol yn grðp o 100 tref, yr oedd
pob un ohonynt wedi’i rhannu’n nifer o gymydau yr oedd y trefi
wedi’u grwpio ynddynt. Cynhwysai pob cwmwd faerdref, tref arbennig
gerllaw llys y brenin lle y bu’r taeogion a ffermiai diroedd y ddemên
yn byw, gerllaw neu ymhlith y nifer fawr o swyddogion a gweision a wasanaethai’r
llys. Ar y cyd â’r faerdref darperid trefgordd ucheldirol
ar gyfer y brenin neu’r arglwydd hefyd a fyddai’n diwallu
anghenion ei dda byw o ran porfeydd haf (hafodydd). Nid oes modd nodi
llysoedd a maerdrefi pob cwmwd o fewn yr ardal astudiaeth.
Dechreuodd yr Eingl-Normaniaid wladychu’r rhanbarth
yn 1093 pan oresgynnwyd Dyfed ac y sefydlwyd cestyll yn Aberteifi, Caerfyrddin
a Phenfro. Roedd cestyll Ceredigion a Chaerfyrddin yn fyrhoedlog, ac fe’u
hailsefydlwyd (y ddau ar safleoedd gwahanol?) pan ddechreuodd y goresgyniad
o ddifrif tua 1100. Gorchfygwyd Cantref Cemaes, yng ngogledd sir Benfro,
gan y Norman Robert Fitzmartin a sefydlwyd Barwniaeth Cemaes, ac i’r
dwyrain daethpwyd â Chantref Emlyn (yng ngogledd sir Gaerfyrddin
a gogledd sir Benfro) yn rhannol o dan reolaeth Eingl-Normanaidd, a daeth
yr hanner gorllewinol, sef Emlyn Is-Cych, yn Arglwyddiaeth Cilgerran.
Cipiwyd Ceredigion tua 1110.
Fodd bynnag, adenillodd y tywysogion Cymreig ran helaeth
o’r ardal yn ystod anarchiaeth teyrnasiad y Brenin Stephen. Ailoresgynnwyd
Ceredigion yn 1136 ac arhosodd yn nwylo’r Cymry (ar wahân
i Gwmwd Iscoed o amgylch y castell - Arglwyddiaeth Aberteifi) tan ddiwedd
y 13eg ganrif, a hanner dwyreiniol Emlyn hefyd - sef Emlyn Uwch-Cych,
y mae’n bosibl na chafodd ei oresgyn yn llwyr erioed. Fe’u
cyfeddiannwyd yn y diwedd gan goron Lloegr yn 1284 pan grëwyd sir
Aberteifi a sir Gaerfyrddin. Adenillwyd Cemaes gan y Cymry am gyfnod byr
ar ddiwedd y 12fed ganrif, ond bu o dan reolaeth Eingl-Normanaidd ddi-dor
o ddechrau’r 13eg ganrif ymlaen a pharhaodd yn un o arglwyddiaethau’r
gororau nes i sir Benfro gael ei chreu yn 1536.
Gosodwyd ffurf rydd ar weinyddiaeth Eingl-Normanaidd
ar yr ardal. Arhosodd rhaniadau tiriogaethol a fodolai cyn y Goresgyniad
Eingl-Normanaidd yn ddigyfnewid at ei gilydd ar ôl y goresgyniad.
At ei gilydd parhaodd yr arglwyddiaethau Eingl-Normanaidd i fod yn agored
i gyfreithiau, arferion a phatrymau tirddaliadaeth Cymreig trwy gydol
y cyfnod canoloesol, ac fe’u gweinyddid fel ‘Brodoraethau’.
Ni ddaliwyd unrhyw ddaliadau trwy wasanaeth marchog o fewn yr ardaloedd
cofrestr. Y system dirddaliadaeth hon - na chynhwysai na threflannau na
ffioedd marchog - a fu’n bennaf cyfrifol am y patrwm anheddu gwasgaredig
o fewn y rhanbarth, nad yw’n cynnwys ar y cyfan unrhyw aneddiadau
cnewyllol o bwys. Fodd bynnag, roedd Arglwyddiaethau Aberteifi a Chemaes
yn ddarostyngedig i system dirddaliadaeth faenoraidd fwy ffurfiol , ond
a ddilynai unwaith eto arferion Cymreig i raddau helaeth, a arweiniodd
at batrwm anheddu gwasgaredig. Gweithredai bwrdeistrefi Aberteifi a Chilgerran
(a Llandudoch), yn ogystal â maenorau Eglwyswrw a Chemaes (a daliad
maenoraidd bach yn Llandygwydd, Ceredigion), system faenoraidd Eingl-Normanaidd
rannol o leiaf.
SAFLEOEDD ANHEDDU A CHLADDU
CYNHANESYDDOL
Yn debyg i lawer o dirweddau yng Nghymru, mae’r
ardaloedd Cofrestr a’u cyffiniau wedi cadw llawer o dystiolaeth
o weithgarwch cynhanesyddol, yn bennaf ar ffurf cloddweithiau sy’n
sefyll yn dyddio o’r Oes Efydd (2500 - 700 CC), ac o’r Oes
Haearn (700 CC - y ganrif 1af OC). Mae’r cyfundrefnau amaethyddol
dwysedd isel a arferid yn y rhanbarth hwn wedi helpu i ddiogelu’r
dystiolaeth hon. Cyfyngir tystiolaeth o weithgarwch cynhanesyddol cynharach
yn y rhanbarth at ei gilydd i wybodaeth a gafwyd trwy astudio tystiolaeth
baleoamgylcheddol o ddyddodion mawn.
Er bod henebion cynhanesyddol - meini hir, carneddau
claddu a bryngeyrydd - yn gymharol niferus o fewn yr ardal astudiaeth,
yn aml ni chânt fawr ddim effaith ar y dirwedd fodern. Cofnodir
nifer o garneddau claddu yn dyddio o’r Oes Efydd, fel arfer ar ffurf
carneddau cerrig, a charneddau defodol cyfoes, yn yr ardal, ac mae’r
rhain yn aml yn elfennau tirwedd hanesyddol amlwg oherwydd eu lleoliad.
Er enghraifft, gellir gweld grwpiau o garneddau claddu ar y tir uchel
i’r de o afon Teifi, a gerllaw Penrhyn Cemaes, am lawer o gilomedrau.
Mae’r nifer fawr o safleoedd yn dyddio o’r oes efydd a geir
yn yr ardal, mewn ardaloedd yr ystyrir eu bod yn eithaf anghysbell bellach,
yn arwydd o boblogaeth a arferai fod yn sefydlog.
Mae lleoliad bryngeyrydd yn dyddio o’r Oes Haearn
hefyd yn sicrhau eu bod hwythau hefyd yn elfennau amlwg yn y dirwedd bresennol,
ac unwaith eto maent yn dystiolaeth o boblogaeth sylweddol a chefnwlad
eang, gyfannedd. Fodd bynnag, ni ellir gweld unrhyw batrymau amlwg o gyfatebiaeth
rhwng bryngeyrydd ac unedau tiriogaethol diweddarach, ac ni ellir priodoli
sefydlu unrhyw batrwm presennol o gaeau a ffiniau i’r cyfnod hwn
nac i’r Oes Efydd.
TREFI A PHENTREFI
Mae’r ardaloedd Cofrestr yn cynnwys tir amaethyddol
yn bennaf. Mae tair tref ganoloesol, sef Aberteifi, Cilgerran a Llandudoch,
a leolir o fewn yr ardaloedd hyn, yn dra gwahanol i’r aneddiadau
gwasgaredig o’u hamgylch. Lleolir pedwaredd dref, sef Castellnewydd
Emlyn (ac Adpar) ychydig y tu allan i’r ardal astudiaeth.
Y farn gyffredin yw i Aberteifi gael ei sefydlu yn y
cyfnod 1110-1136, o dan ieirll de Clare, a adeiladodd gastell ar fryncyn
yn edrych dros afon Teifi. Cipiwyd rheolaeth ar y rhanbarth oddi wrth
yr Eingl-Normaniaid yn sydyn yn 1136, pan enillodd lluoedd Cymreig fuddugoliaeth
dyngedfennol yng Nghrug Mawr, 3 chilomedr i’r gogledd-ddwyrain o’r
dref. Fe’i hildiwyd i’r Brenin Normanaidd John yn 1201 pan
ddaeth yn ganolfan arglwyddiaeth frenhinol, a weinyddid o Gastell Aberteifi.
Ymddengys i’r castell a phont dros afon Teifi gael eu hadeiladu,
ac Eglwys y Santes Fair gael ei sefydlu fel priordy Benedictaidd i’r
dwyrain o’r dref, yn ystod y cyfnod 1110-1136. O’r cychwyn
cyntaf, Eglwys y Santes Fair oedd eglwys y plwyf hefyd, a goroesodd ar
ôl Diddymu’r Mynachlogydd gan barhau’n eglwys y plwyf.
Cynhelid marchnad wythnosol o ganol y 12fed ganrif hyd ddechrau’r
20fed ganrif, ac roedd llawer o freintiau bwrdais wedi’u rhoi i’r
dref yn y 13eg ganrif, ond ni chydnabuwyd y dref yn ffurfiol fel bwrdeistref
tan 1284 pan dderbyniodd ei siarter gyntaf. Dechreuwyd adeiladu mur y
dref yn ystod y 1240au pan ailadeiladodd Coron Lloegr y castell ar raddfa
fawr, er efallai fod rhyw fath o system amddiffynnol yn bodoli eisoes.
Mae’r patrwm strydoedd canoloesol wedi goroesi’n gyflawn fwy
neu lai, ond erbyn hyn nid oes unrhyw olion sy’n sefyll o fur y
dref. Effaith y muriau, a’r siarter, fu cynyddu’r boblogaeth
o 128 o diroedd bwrdais yn 1724 i 172 yn 1308. Ymgorfforwyd y fwrdeistref
ar ddechrau’r 16eg ganrif pan gafodd faer a chorfforaeth, a rhoddwyd
rhagor o freintiau iddi. Fodd bynnag, roedd y dref wedi bod yn crebachu
ar ddiwedd y cyfnod canoloesol; dim ond 55 o dai a gofnodir yn yr 16eg
ganrif, ac fe’i disgrifiwyd fel ‘adfeiliedig ac mewn cyflwr
dirywiedig’ yn 1610. O 1536 ymlaen, Aberteifi oedd y dref sirol,
ac mae’n bosibl bod hynny wedi hybu twf y dref – mae map Speed
hefyd yn dangos maestrefi helaeth y tu allan i’r mur i’r gogledd,
ac yn arbennig i’r dwyrain o fur y dref. Cynhaliwyd Brawdlysoedd
y Sir yn y dref o 1536, adeiladwyd neuadd sirol yn 1764, a Charchar Sirol
a adeiladwyd gan John Nash, yn 1793, i’r gogledd o’r dref.
Datblygodd Aberteifi i fod yn brif borthladd y rhanbarth, a chanolfan
adeiladu llongau. Datblygodd yn gyflym yn ystod y 19eg ganrif a’r
20fed ganrif. Erbyn hyn ei phrif swyddogaeth economaidd yw fel entrepôt
ar gyfer y gymuned amaethyddol ranbarthol, a chanolfan weinyddol.
Gweinyddid arglwyddiaeth Cilgerran o Gastell Cilgerran,
a sefydlwyd tua 1100. Fe’i hadenillwyd gan y Cymry yn 1164 ac arhosodd
o dan reolaeth Gymreig, ar wahân i gyfnod byr rhwng 1204 a 1214,
tan 1223, pan gafodd ei chipio gan William Marshall, Iarll Penfro. Parhaodd
i fod yn ddarostyngedig i gyfreithiau, arferion a phatrymau tirddaliadaeth
Cymreig trwy gydol y cyfnod canoloesol, ac fe’i gweinyddid fel ‘Brodoraeth’.
Datblygodd anheddiad y tu allan i gatiau Castell Cilgerran, a oedd yn
ddigon mawr i gael ei alw’n ‘dref’ yn 1204. Ystyrid
ei fod yn fwrdeistref, ond dim ond trwy hirfeddiant, am na wyddom am unrhyw
siarter. Mae ei chynllun rheolaidd, sy’n cynnwys lleiniau o dir
bwrdais wedi’u gosod ar y naill ochr a’r llall i brif stryd
hir, a marchnadfa lydan, ac ail stryd ar ongl sgwâr, yn awgrymu
iddi gael ei chynllunio. Cofnodwyd dau ar hugain o drethdalwyr yn 1292.
Tua 1610 fe’i rhestrwyd ymhlith prif drefi marchnad sir Benfro gan
Speed. Adlewyrchir demograffeg gwbl Gymreig, fwy neu lai, yr arglwyddiaeth
yn enwau Cymraeg y trethdalwyr. Roedd gan y dref ei charchar, a’i
chyffion ei hun. Ymddengys iddi gadw ei chysylltiadau â’r
tir bob amser, a phrif fywoliaeth pobl y dref yn ystod y cyfnod ôl-ganoloesol
oedd ffermio, pysgota am eogiaid a chloddio llechi. Fodd bynnag, daeth
y farchnad wythnosol a gofnodwyd gan George Owen tua 1600 i ben ar ddechrau’r
1900au, roedd y ffair wedi dod i ben flynyddoedd lawer cyn hynny, tra
daeth y gweithgarwch cloddio i ben yn 1938.
Roedd Llandudoch yn un o faenorau Barwniaeth Cemaes.
Safle tþ mynachaidd yn dyddio o ddechrau’r cyfnod canoloesol
ydoedd, a oedd wedi’i ailsefydlu fel Abaty Benedictaidd gan Robert
FitzMartin yn 1113-20, ac sy’n dal i ffurfio elfen ddiffiniol tirwedd
y dref. Roedd anheddiad wedi datblygu y tu allan i’r abaty erbyn
diwedd y cyfnod canoloesol, a ddelid yn uniongyrchol gan y farwniaeth
a oedd yn awyddus o bosibl i fanteisio ar y potensial economaidd a ddarperid
gan bresenoldeb yr abaty. Ar ben hynny cofnodir i arglwyddi Cemaes sefydlu
marchnad yma. Disgrifiwyd yr anheddiad fel un o ‘dair tref gorfforedig’
Cemaes yn 1603 (ynghyd â Threfdraeth a Nyfer), ond mewn gwirionedd
ymddengys na fu’n fwrdeistref erioed. Mae’n bosibl iddo aros
yn gymharol fach trwy’r cyfnod canoloesol. Fodd bynnag, roedd yn
ddigon mawr i gael ei wasanaethu gan eglwys blwyf wedi’i chysegru
i Sant Tomos (nid oedd eglwys yr abaty yn eglwys blwyf), a safai gyferbyn
â’r abaty, ond sydd wedi diflannu bellach. Gwasanaethid yr
abaty, a’r anheddiad efallai, gan felin yn union i’r dwyrain
o’r abaty, ac roedd gan y mynachod hawliau i bysgodfa helaeth ar
aber afon Teifi. Roedd yr anheddiad wedi tyfu’n weddol fawr erbyn
1838, pan ddengys y map degwm anheddiad cnewyllol bach o tua 100 adeilad,
wedi’u canoli ar yr abaty. Sefydlwyd eglwys blwyf newydd ar ei safle
presennol, ar ddechrau’r 18fed ganrif. Fe’i hailadeiladwyd
yn 1847, ac adeiladwyd y ficerdy a’r cerbyty ar ôl hynny yn
1866. Erbyn hyn mae Llandudoch yn gyrchfan gwyliau poblogaidd.
Mae’r tair tref yn dra gwahanol i’w cefnwlad.
Ataliai systemau tirddaliadaeth Cymreig yn Emlyn Uwch-Cych, Cilgerran
a Cheredigion faenorau ffurfiol rhag cael eu sefydlu, a phrin oedd y treflannau,
ac arweiniodd hynny at batrwm anheddu gwasgaredig. Patrwm ydyw sydd i’w
weld o hyd ac sy’n dal i gael ei arfer, i ryw raddau.
Ceir rhai aneddiadau cnewyllol o fewn arglwyddiaethau
Aberteifi a Chemaes a oedd wedi’u rhannol ffiwdaleiddio. Roedd treflan
wedi’i sefydlu yn Llandygwydd, o fewn Arglwyddiaeth Aberteifi, erbyn
diwedd y 13eg ganrif. Fe’i sefydlwyd yn ffurfiol fel Maenor Llandygwydd,
o dan nawdd Esgobion Tyddewi yn ôl pob tebyg a oedd wedi dod i feddiant
plwyf Llandygwydd, ac a sefydlodd ffair yn y faenor. Fodd bynnag, erbyn
hyn pentref llinellol bach ydyw sy’n cynnwys adeiladau ôl-ganoloesol
ac nid oes fawr ddim arwydd o unrhyw anheddiad cnewyllol. Datblygodd treflan
o amgylch y man croesi dros afon Teifi yn Llechryd, a orweddai o fewn
Arglwyddiaeth Aberteifi hefyd. Ymddengys iddi ddatblygu’n anheddiad
cnewyllol yn gynnar, sy’n anarferol yn y rhanbarth hwn. Mae’n
bosibl i’r datblygiad hwn gael ei hyrwyddo gan y goron, neu gan
Esgobion Tyddewi a gymerodd feddiant o blwyf Llangoedmor, y gorweddai
Llechryd y tu mewn iddo, o ddiwedd y 13eg ganrif ymlaen. Adeiladwyd capeliaeth
i Langoedmor, wedi’i chysegru i’r Groes Sanctaidd, i wasanaethu’r
gymuned hon a oedd yn datblygu. Daeth yn eglwys blwyf yn ei rhinwedd ei
hun ar ddechrau’r cyfnod ôl-ganoloesol. Ymddengys bod trydydd
anheddiad canoloesol wedi’i leoli yng Ngwbert, hefyd o fewn Arglwyddiaeth
Aberteifi, lle y datguddiwyd pyllau yn cynnwys esgidiau canoloesol mewn
darn o glogwyn a oedd yn erydu. Diflannodd yr anheddiad ar ôl hynny
yn raddol o dan y tywod ac fe’i gadawyd yn gynnar. Ceir tystiolaeth
amgylchiadol y gall fod wedi cynnwys eglwys. Yng Nghemaes datblygodd rhai
aneddiadau cnewyllol ar ffurf pentrefannau o fewn isarglwyddiaeth Eglwyswrw,
lle’r oedd y systemau tirddaliadaeth - er eu bod yn parhau yn rhai
Cymreig - wedi’u ffiwdaleiddio. Efallai fod maenor Eingl-Normanaidd
‘a fethodd’ i’w chael yn Llantwyd.
Y tu allan i’r ardaloedd hyn, mae’r holl
aneddiadau cnewyllol yn dyddio o’r cyfnod ôl-ganoloesol. Er
i lawer ohonynt ddatblygu o amgylch nodweddion cynharach ee. yr eglwysi
yng Nghenarth, Llangeler a Henllan, nid oes unrhyw dystiolaeth eu bod
yn llawer hþn na’r 18fed ganrif, ac mae llawer ohonynt yn
fwy diweddar byth. Yn ogystal â’r canolbwyntiau a fodolai
eisoes, datblygodd aneddiadau o amgylch capeli anghydffurfiol yn dyddio
o’r 18fed ganrif (ee. Saron, sir Gaer. a Phonthirwaun, Cer.) a ffyrdd
tyrpeg (ee. Rhos, sir Gaer.). Ond diwydiant a roddodd yr hwb mwyaf o bell
ffordd i aneddiadau cnewyllol ôl-ganoloesol. Arweiniodd diwydiant
gwlân Dyffryn Teifi, a fu ar ei anterth yn ystod y 19eg ganrif,
at ddatblygu pentrefi sylweddol yn Nhre-fach Felindre (yr oedd ganddo
ei eglwys Anglicanaidd a’i gapeli ei hun), Pentrecagal a Phentrecwrt
(sir Gaer.), a Henllan (Cer.). Denodd gefail yn Abercych ar y ffin rhwng
sir Gaerfyrddin a sir Benfro aneddiadau a ddatblygodd yn bentref gweddol
fawr, unwaith eto gyda’i eglwys Anglicanaidd a’i gapeli ei
hun. Mae’r mwyafrif o’r pentrefi hyn yn dal i dyfu. Mewn cyferbyniad,
ymddengys nad esgorodd diwydiant llechi Dyffryn Teifi a oedd wedi’i
ganoli yng Nghilgerran ar unrhyw anheddiad cnewyllol newydd o bwys.
MEYSYDD AGORED A’R BROSES
O’U HAMGÁU
Câi bron yr holl dir amaeth maenoraidd ei ffermio
mewn cyfundrefnau maes agored (a elwid hefyd yn gaeau wedi’u hisrannu
neu’n gaeau comin). O dan y system hon delid tir yn gymunedol, ac
ar wahân i gaeau bach a phadogau ynghlwm wrth ffermydd, roedd caeau
yn brin. Roedd y tir wedi’i rannu’n lleiniau neu’n gyfrannau
o fewn meysydd agored mawr. Gorweddai tir heb ei amaethu a thir diffaith
y tu hwnt i’r meysydd agored. Yn draddodiadol, ni châi lleiniau
o fewn y meysydd agored eu neilltuo i un ffermwr, ond caent eu cylchdroi
yn flynyddol. Fodd bynnag, erbyn yr 16eg- garnrif a’r 17eg-ganrif
rhoddwyd yr hawliau i ffermio rhai lleiniau o fewn y meysydd agored i
ffermwyr unigol. Drwy fargeinio a chyfnewid lleiniau gellid crynhoi nifer
o leiniau cyffiniol. Wedyn proses syml oedd codi gwrych o amgylch y lleiniau
a grynhowyd. Trwy’r broses hon trawsnewidiwyd y meysydd agored a
ddelid yn gymunedol yn systemau caeau a ddelid yn breifat, systemau caeau
sy’n dal i fodoli.
Fodd bynnag, arweiniodd systemau tirddaliadaeth Cymreig
yn Emlyn a Cheredigion at batrwm anheddu anfaenoraidd, gwasgaredig, a
oedd yn seiliedig i raddau helaeth ar hwsmonaeth yn rhannau ucheldirol
Emlyn. Nid oes fawr ddim tystiolaeth o ffermio tir âr y tu allan
i Gemaes, nac o fewn yr arglwyddiaethau Eingl-Normanaidd nac yn yr ardaloedd
a ddelid gan y Cymry, er iddo gael ei gofnodi yn Emlyn ar ddechrau’r
19eg ganrif ac er y cymerir yn ganiatáol y byddai gorlifdir ffrwythlon
afon Teifi wedi’i ffermio fel tir âr.
At ei gilydd nodweddir y patrwm caeau o fewn Emlyn a
Cheredigion gan gaeau mawr, eithaf rheolaidd eu siâp yr ymddengys
eu bod yn gaeau newydd a sefydlwyd ar ddiwedd y 18fed ganrif - dechrau’r
19eg ganrif. Yn wir, ymddengys bod y rhanbarth - yn arbennig ucheldiroedd
Emlyn - yn cynnwys tir agored yn bennaf cyn i’r patrwm presennol
gael ei osod arni. Dengys mapiau ystad yn dyddio o ddiwedd y 18fed ganrif
fod rhannau o’r ardaloedd hyn yn dal i gynnwys tir agored, lle y
ceir lleiniau y nodir eu bod yn eiddo i wahanol berchenogion. Sefydlwyd
y lleiniau hyn yn y cyfnod ôl-ganoloesol yn ôl pob tebyg,
ac yn ddiau nid y lleiniau maes agored ffurfiol o dir âr sy’n
nodweddiadol o systemau tirddaliadaeth Eingl-Normanaidd mohonynt. Yn lle
hynny, ymddengys bod y lleiniau yn cynrychioli hawliau pori a roddwyd
i ffermydd cyfagos ac ymddengys bod o leiaf ran o’r ardal hon yn
cynnwys tir pori agored a oedd yn eiddo i nifer o berchenogion, ac a oedd
yn y broses o gael ei amgáu ar ddiwedd y 18fed ganrif. Erbyn i’r
mapiau degwm gael eu llunio tua.1840 mae’r mwyafrif o’r lleiniau
hyn wedi diflannu ac mae’r patrwm caeau a welir heddiw yn ei le.
Fodd bynnag, mae’n bosibl i’r system hon o ‘gyfrandiroedd’
a gysylltir â ffermydd - a ddelid yn breifat, yn y ffordd Gymreig
draddodiadol - gael ei sefydlu yn y cyfnod canoloesol. Cyfyngir ar ein
gwybodaeth gan y diffyg dogfennau cyfoes yn yr ardal hon.
Mae rhywfaint o dystiolaeth o economi gymysg yn seiliedig ar gadw anifeiliaid
a ffermio tir âr, unwaith eto o dan systemau tirddaliadaeth Cymreig,
yn Marwniaeth Cemaes. O fewn yr ardal o amgylch Penrhyn Cemaes, mae’r
patrwm presennol o gaeau afreolaidd eu siâp o faint bach i ganolig
yn awgrymu i’r ardal gael ei hamgáu ar ddechrau cyfnod ôl-ganoloesol,
os nad ar ddiwedd y Cyfnod Canoloesol. Dangosir rhandiroedd wedi’u
hisrannu o fewn rhai o’r caeau hyn ar y mapiau degwm, tra dangosir
rhandir o leiniau byr, cul yn agosach at yr arfordir. Gallant fod yn lleini,
creiriau cyfundrefn ffermio tir âr o dan systemau tirddaliadaeth
Cymreig ac fe’u cysylltir â system o badogau bach, afreolaidd
eu siâp. Cynhwyswyd isarglwyddiaeth Eglwyswrw yn asesiad manwl 1594
sydd wedi goroesi fel ‘Extent of Cemaes’. O ganlyniad i systemau
tirddaliadaeth Cymreig datblygodd nifer o ddaliadau tir bach. Roedd pob
un o’r rhain yn gysylltiedig â thþ bonedd o wahanol
statws, yr oedd llawer ohonynt yn bodoli erbyn 1594. Ceir rhywfaint o
dir comin yn yr ardal drwyddi draw, ond mae’n gysylltiedig â
hawliau pentrefi, megis yn Eglwyswrw, yn hytrach na’i fod yn dir
comin creiriol. Mae’n amlwg bod yr ardal gyfan wedi’i hanheddu,
ac mae’n debyg ei bod wedi’i hamgáu â’r
system bresennol o gaeau rheolaidd eu siâp, erbyn dechrau’r
cyfnod ôl-ganoloesol. Ymddengys bod hanes tirwedd rhan o Arglwyddiaeth
Cilgerran - a oedd yn ‘Frodoraeth’ - yn debyg.
Mae systemau tirddaliadaeth maenoraidd Eingl-Normanaidd
i’w gweld yn Arglwyddiaeth Aberteifi, cyn-gwmwd Is-Hirwern, lle
y mae ystad Coed Mawr yn cynrychioli’r hyn sy’n weddill o’r
tir demên a oedd ynghlwm wrth Gastell Aberteifi. Fel arfer, câi
tir demên ei weithio gan denantiaid caeth am 2 neu 3 diwrnod yr
wythnos yn gyfnewid am hawliau dros leiniau o dir. Fodd bynnag, gallai
gynnwys coedwigoedd, tir diffaith neu goetir hefyd, fel yng Nghoedwig
Arberth a oedd yn rhan o’r ddemên ynghlwm wrth Gastell Penfro.
Mae Bwrdeistref Eingl-Normanaidd Aberteifi yn cynnwys tua 800 hectar o
fewn ffiniau ei libart. Dichon fod yr enw Warren Hill, yn mhen dwyreiniol
yr ardal, yn dynodi lleoliad cwningar y bwrdeisiaid. Efallai fod lleiniau
i’r gogledd o’r dref yn dynodi meysydd agored creiriol, ond
mae’r rhain wedi diflannu bellach. Dengys y map boced fach o dir
comin gerllaw hefyd.
EGLWYSI A CHAPELI
Mae’r eglwysi canoloesol mwy o faint– ee. Aberteifi a Chilgerran
- yn elfennau tra amlwg a thra diffiniol yn y dirwedd. Fodd bynnag, mae
nifer o’r eglwysi yn fach ac yn anghysbell ac yr un mor wasgaredig
â’r anheddiad. Fel y nodwyd uchod, prin yw’r eglwysi
a ddatblygodd yn ganolbwynt i anheddu.. Felly yn aml nid ydynt yn nodweddion
trawiadol yn y dirwedd (er bod y tðr yn y Ferwig - sydd wedi diflannu
bellach – yn dirnod enwog yn ystod yr 16eg ganrif).
Dechreuodd y dirwedd eglwysig ddatblygu yn gynnar. Dengys
dyffryn llydan afon Teifi, yr aber a’r cyrion arfordirol yn arbennig
dystiolaeth o fynwentydd a safleoedd yn dyddio o ddechrau’r cyfnod
canoloesol. Saif Abaty Llandudoch ar safle mynachlog gynharach, ‘Llandudoch’,
y mae ei chwe Heneb Gristnogol Gynnar yn awgrymu presenoldeb eglwysig
parhaus o’r 6ed ganrif ymlaen, tra roedd y fynachlog yn ddigon cyfoethog
i’r Llychlynwyr ymosod arni yn 988. Adeiladwyd yr abaty diweddarach
drosti ond mae’n bosibl bod ei chlostir wedi rhannol oroesi fel
ôl cnwd. Nodwyd rhai claddedigaethau mewn ‘cistiau’
wedi’u leinio â cherrig yn mryngaer Caerau Gaer gerllaw sy’n
dyddio o’r Oes Haearn, ac awgrymwyd mai’r fynwent yw safle
gwreiddiol mynachlog Llandudoch. Awgrymir bodolaeth eglwys yng Nghenarth
mewn rhodd yn dyddio o’r 6ed ganrif. Ymddengys bod Llangeler yn
sefyll ar safle pwysig a gynhwysai nifer o eglwysi ar ddechrau’r
cyfnod canoloesol, ac mae’n bosibl i eglwysi Cilgerran a Henllan,
a Chapel Mair ym mhlwyf Llangeler, gael eu sefydlu yn gynnar hefyd. Mae
mynwent gynnar bosibl nas datblygwyd yn Llain Ddineu (Penboyr) yn fwy
amheus - nid yw’n cyd-fynd yn iawn â phatrymau anheddu cyfoes
ac mae’n bosibl ei bod yn dyddio o’r Oes Efydd.
Ailsefydlwyd mynachlog Llandudoch fel Abaty Tironaidd
Llandudoch. Dechreuwyd ei adeiladu tua 1113, ac roedd wedi datblygu’n
eglwys fawr erbyn canol y 13eg ganrif, pan safai yng nghanol rhes helaeth
o adeiladau cwfeiniol o waith cerrig wedi’u lleoli mewn caeadle
a oedd yn 4 hectar o faint o leiaf. Mae’r cyfadail hwn yn dal i
fod yn un o elfennau diffiniol y dirwedd heddiw. Roedd yr unig dþ
mynachaidd arall yn y rhanbarth a sefydlwyd ar ôl y goresgyniad
Normanaidd yn Aberteifi, lle y gwasanaethai’r priordy Benedictaidd
fel eglwys y plwyf hefyd. Sefydliad bychan iawn ydoedd a chanddo eglwys,
er ei fod yn llawer llai mawreddog na Llandudoch, ac mae ganddo gangell
‘Addurnedig’ o safon sy’n dyddio o’r 14eg.
Sefydlwyd y system o blwyfi yn y cyfnod ar ôl 1115,
ar ôl i Bernard gael ei benodi fel Esgob Eingl-Normanaidd cyntaf
Tyddewi. Fodd bynnag, mae’n bosibl iddi gael ei ffurfioli o fewn
Ceredigion ac Emlyn ar ôl hynny. Serth hynny roedd y broses wedi’i
chwblhau erbyn 1291 pan oedd y mwyafrif o’r plwyfi a geir heddiw
- gyda rhai newidiadau bach ar ôl hynny - wedi’u creu.
Ar wahân i’r eglwysi mynachaidd, a’r
eglwys fwrdeistref yng Nghilgerran, mae’r eglwysi yn fach ac yn
syml ac nid ydynt ond yn cynnwys corff yr eglwys a changell. Ymddengys
iddynt gael eu hadeiladu’n wael, am i bob un o’r eglwysi canoloesol,
ar wahân i eglwysi Aberteifi a Maenordeifi, gael eu hailadeiladu
i bob pwrpas yn y 19eg ganrif. Yng Nghilgerran cadwyd tðr canoloesol
yr eglwys, ond ailadeiladwyd y gweddill yn y 19eg ganrif (ddwywaith, am
fod yr ymdrech gyntaf mor wael). Cadwyd y tðr yn y Ferwig hefyd -
a arferai fod yn dirnod enwog , ond fe’i dymchwelwyd yn y diwedd
yn 1968. Ailadeiladwyd eglwys Llandygwydd ac eglwys Llantwyd mewn gwahanol
leoliadau o fewn eu gwahanol fynwentydd. Fodd bynnag, mae Maenordeifi
yn dal i fod yn eglwys anadferedig i raddau helaeth ac mae ganddi set
lawn o addurniadau heb eu newid yn dyddio o ddiwedd yr 17eg ganrif i ddechrau’r
19eg ganrif.
Anaml y mae eglwysi yn ganolbwynt i aneddiadau neu aneddiadau
cnewyllol, ac anaml y mae cysylltiad agos rhyngddynt a chestyll Eingl-Normanaidd
hefyd. Nid yw hyn o reidrwydd yn awgrymu iddynt gael eu sefydlu cyn y
Goresgyniad Normanaidd – roedd llawer o’r cestyll hyn yn adeileddau
byrhoedlog yn perthyn i ddechrau’r 12fed ganrif, tra ei bod yn amlwg
i lawer o eglwysi’r rhanbarth gael eu sefydlu gan arglwyddi Cymreig
yn ystod y 12fed ganrif ac ar ddechrau’r 13eg ganrif. Yn yr un modd
mae’n bosibl i rai o’r cestyll cloddwaith gael eu hadeiladu
gan y Cymry, ac yn wir lle y mae eglwysi a chestyll yn cydfodoli mae’n
bosibl i’r ddau gael eu sefydlu gan y Cymry yn y cyfnod ar ôl
1100 (ee. Penboyr?). Mae’r cysylltiad agos rhwng eglwys plwyf Llantwyd
a’i chastell yn awgrymu, yma ym Marwniaeth Eingl-Normanaidd Cemaes,
iddynt gael eu sefydlu gan y Normaniaid. Er bod eglwys plwyf Llandygwydd
o bosibl yn dyddio o’r un cyfnod â’r mwnt gerllaw, mae’n
debycach iddi gael ei hadeiladu pan y’i rhoddwyd i Esgobaeth Tyddewi
ar ddiwedd y 13eg ganrif, am ei bod wedi’i lleoli 0.5 cilomedr i’r
gogledd-ddwyrain o’r mwnt (yr ymddengys iddo gael ei adael yn wag
yn gynnar). Fodd bynnag, mae’r pellter rhwng bwrdeistref Cilgerran
a’i heglwys yn awgrymu i’r olaf gael ei sefydlu cyn y Goresgyniad
Normanaidd.
Arweiniodd yr aneddiadau gwasgaredig sy’n nodweddu’r
rhanbarth at sefydlu nifer fawr o gapeliaethau, yr oedd y mwyafrif ohonynt
yn gapeli anwes ffurfiol i’w plwyfi, yn hytrach na chapeli defodol
(neu faes). Rhoddwyd y gorau i ddefnyddio’r mwyafrif ohonynt yn
y cyfnod ôl-ganoloesol, ac nid oes fawr ddim olion wedi goroesi.
Fodd bynnag, ailsefydlwyd olion Capel Llechryd - a ddaeth yn eglwys blwyf
yn ddiweddarach -, a Chapel Mair, capel maenor i Hendy-gwyn ar Daf, ger
Llangeler, ar yr un safle o bosibl, yn y 19eg ganrif. Mae’r Garreg
Decabarbalom yn dyddio o ddechrau’r cyfnod canoloesol, a ddarganfuwyd
gerllaw, yn awgrymu i’r capel hwn gael ei sefydlu yn gynnar. Mae
capeli ffurfiol eraill nad ydynt yn bodoli bellach yn cynnwys y capel
pont i’r de o dref Aberteifi a sefydlwyd gan yr Archesgob Baldwin
yn ystod ei ymweliad yn 1188, Capel Cilfowyr (plwyf Maenordeifi), hen
eglwys y plwyf yn Llandudoch gyferbyn â’r abaty, a’r
hen eglwys yn Nhre-fach Felindre, a sefydlwyd o bosibl ar ddechrau’r
cyfnod ôl-ganoloesol. Ymddengys bod Capel Degwel a Chapel Carannog
ym mhlwyf Llandudoch yn gapeli pererindota ar y llwybr i Nyfer.
Gwnaed rhywfaint o waith ad-drefnu plwyfi yn ystod y 19eg ganrif. Crëwyd
plwyf Castellnewydd Emlyn o blwyf Cenarth, mewn ymateb i boblogaeth gynyddol
y dref, a wasanaethid gan eglwys newydd (heb fod ymhell y tu hwnt i’r
ardal gofrestr). Adeiladwyd eglwys blwyf newydd o haearn mewn lleoliad
llai ymylol o fewn plwyf Maenordeifi. Adeiladwyd eglwysi Anglicanaidd
newydd yng nghanolfannau poblogaeth cynyddol Dre-fach Felindre (a ddisodlodd
yr eglwys gynharach), ac yn Abercych, yr adeiladwyd yr olaf ar ddechrau’r
20fed ganrif.
Mae capeli anghydffurfiol yn dyddio o’r 18fed ganrif
a’r 19eg ganrif i’w gweld ym mhobman. Codwyd llawer ohonynt
yn Aberteifi, Llandudoch a Chilgerran, ac yn yr ardaloedd hynny yn Nyffryn
Teifi lle y cynhyrchid brethyn. Addaswyd capel cynnar yn Nhre-fach Felindre,
sef Capel Pen-rhiw, o ysgubor yn 1777; symudwyd y capel, sy’n enghraifft
glasurol o’r math ‘cynnar’ o bensaernïaeth capel,
i Amgueddfa Werin Cymru ar ddiwedd yr 20fed ganrif. Sefydlwyd capeli eraill
i ffwrdd o ganolfannau poblogaeth, ond daethant yn ganolbwynt i weithgarwch
anheddu ee. Saron (sir Gaer.) a Phonthirwaun (Cer.).
MAENOR FORION
Mae’r ddwy ardal Gofrestr yn cynnwys cyn-dir mynachaidd, a gynrychiolir
gan Faenor Forion. Sefydlwyd y faenor yn ystod ail hanner y 12fed ganrif,
pan roddwyd y tir i Abaty Sistersaidd Hendy-gwyn ar Daf gan feibion yr
arglwydd Cymreig lleol Maredudd Cilrhedyn. Cynhwysai tua 1800 o hectarau
rhwng afon Teifi a’r tir uchel i’r gogledd o Gwmduad. Ymddengys
bod craidd y faenor yn Court Farm, lle y lleolid granar hefyd, ac a oedd
yn ôl pob tebyg yn encilfa haf i’r abad. Lleolid dwy felin,
melin þd a melin bannu (y gellir dilyn rhan o’r ffrwd) ar
afon Siedi yn Geulan Felen, sy’n dangos bod yr abaty yn arloeswr
cynnar yn y diwydiant brethyn a fyddai mor flaenllaw yn ddiweddarach mewn
rhannau eraill o’r Ardal Gofrestr hon.
Mae’n debyg bod capel y faenor, sef Capel Mair,
ar yr un safle ag adeilad presennol Eglwys y Santes Fair, sy’n gapel
anwes i blwyf Llangeler. Mae’r Garreg Decabarbalom sy’n dyddio
o ddechrau’r cyfnod canoloesol, a ddarganfuwyd gerllaw’r capel,
yn awgrymu i’r capel gael ei sefydlu’n gynnar. Mae’n
gysylltiedig â mwnt, sef Pencastell, y mae’n bosibl ei fod
yn graidd maenor gynharach.
Fodd bynnag, ychydig a wyddom am y defnydd a wneid o’r
tir o fewn y faenor. Maenor Forion oedd un o’r nifer fach iawn o
faenorau Cymreig na fu’n destun Achos gan y Trysorlys (Ecwiti) ar
ôl Diddymu’r Mynachlogydd, y daw llawer o’n gwybodaeth
am y modd y rheolid maenorau ohonynt. Adeg Diddymu’r Mynachlogydd
delid llawer o ystadau Hendy-gwyn ar Daf o dan wahanol brydlesau, systemau
tirddaliadaeth, rhenti a rhwymedigaethau yn perthyn i gyfraith Cymru.
Yn gyffredinol, talai eiddo’r abaty yn sir Gaerfyrddin renti ar
ffurf arian, a chyfraniadau o gaws, capylltiaid a cheirch, tra cyfrannai’r
eiddo a oedd ganddo yng Ngheredigion wlân, defaid ac ðyn. Fodd
bynnag, mae ymhell o fod yn glir a yw’r trefniadau hyn yn parhau
trefniadau hirsefydlog yn tarddu o gyfnod cynharach. Serch hynny mae’r
ffaith bod amrywiaeth o renti wedi goroesi, a delid mewn arian, mewn nwyddau
a thrwy wasanaeth, yn awgrymu eu bod yn cyfateb i rwymedigaethau bilaen
cynharach, ac awgrymwyd felly y gweithiai Hendy-gwyn ar Daf ei faenorau
yn ôl arferion brodorol o’r cychwyn cyntaf, a bod y defnydd
a wneid o’r tir a phatrymau anheddu yn debyg fwy neu lai i’r
hyn a geid y tu allan i’r faenor.
Daeth y faenor yn dir y goron pan ddiddymwyd y Mynachlogydd
yn 1536. Fe’i gwerthwyd yn ystod teyrnasiad Siarl I i John Lewis
o Lysnewydd a Thomas Price o Rydypennau ac wedyn trosglwyddwyd cyfran
Thomas Price o’r faenor i D L Jones o’r Derlwyn. Ar wahân
i ddarnau bach o’r eiddo a werthwyd, arhosodd y rhan fwyaf o’r
gyn-faenor yn nwylo’r teuluoedd hyn tan 1900 o leiaf, gan ffurfio
craidd dwy ystad fawr.
CESTYLL CANOLOESOL
Mae’r ardaloedd Cofrestr yn cynnwys un o’r
crynoadau dwysaf o gestyll canoloesol yng Nghymru, yn ogystal â
13 o safleoedd posibl. Mae’r mwyafrif o’r rhain yn fwntiau
cloddwaith ac yn amddiffynfeydd cylch bach nad oes ganddynt unrhyw hanes
cofnodedig, a phrin yw elfennau diffiniol y dirwedd, ac yn debyg i’r
eglwysi plwyf, ychydig ohonynt a ddenodd unrhyw aneddiadau cnewyllol.
Ceir crynhoad o gestyll yng Nghantref Emlyn, yn arbennig
o fewn yr hanner dwyreiniol, Emlyn Uwch-Cych, a arhosodd yn nwylo’r
Cymry tan 1283, ar wahân, efallai, i gyfnod byr pan fu o dan reolaeth
Eingl-Normanaidd ar ddechrau’r 12fed ganrif. Ceir sefyllfa debyg
yng Ngheredigion i’r gogledd o afon Teifi. Mae’n dra thebyg
i’r cestyll hyn gael eu sefydlu yn y cyfnod 1100-1136 pan fu’r
Eingl-Normaniaid yn gosod eu hawdurdod ar y rhanbarth trwy sefydlu cestyll
yng nghanol canolfannau gweinyddu Cymreig a fodolai eisoes, neu yn ystod
gweddill y 12fed ganrif gan arglwyddi Cymreig brodorol. Ychydig ohonynt
a gysylltir â threflannau cyfoes, ond gallai hynny olygu naill ai
eu bod yn strwythurau Eingl-Normanaidd byrhoedlog, neu eu bod yn rhan
o’r patrwm Cymreig o aneddiadau gwasgaredig ac felly na fyddent
wedi gweithredu fel canolbwynt i weithgarwch anheddu. Mae’n bosibl
bod rhai o’r eglwysi a’r cestyll y mae cysylltiad agos rhyngddynt
yn adeiladweithiau cwbl Gymreig, megis yng Nghenarth, ac efallai ym Mhenboyr
lle y gallai’r eglwys a’r castell fod yn strwythurau newydd
a adeiladwyd gan y Cymry yn y 12fed ganrif.
Fodd bynnag, mae’n debyg bod yr eglwys/castell
yn Llantwyd ym marwniaeth seisnigedig Cemaes yn cynrychioli maenor Eingl-Normanaidd
‘a fethodd’. Gorchfygwyd Cemaes, fel Arglwyddiaeth Cilgerran,
yn gynnar ac er na fu rheolaeth yr Eingl-Normaniaid yn ddi-dor o bell
ffordd, mae’r ddwy arglwyddiaeth yn cynnwys crynhoad llai o gestyll.
Ar wahân i gastell Llantwyd, a all gynnwys rhywfaint
o waith cerrig, mae’r unig gestyll eraill o waith maen yn Aberteifi
a Chilgerran (ac yng Nghastellnewydd Emlyn ychydig y tu allan i’r
ardaloedd Cofrestr). Yn wahanol i gestyll cloddwaith, maent yn dal i fod
yn elfennau diffiniol o’r dirwedd, a’u hadfeilion yw elfennau
amlycaf yr ardaloedd o’u hamgylch.
Mae castell Aberteifi, er ei fod wedi’i ddifrodi’n
wael, yn edrych dros flaen y traeth, y bont a’r dref, ac mae’n
ffurfio echel cynllun strydoedd y dref. Roedd castell wedi’i sefydlu
yn gyntaf yn ystod cyrch Eingl-Normanaidd yn 1093, ond roedd yn fyrhoedlog.
Y farn gyffredin yw bod y cloddwaith yn Old Castle Farm yn dynodi safle’r
castell, ond yn yr un modd gallai fod wedi sefyll ar safle’r castell
presennol a atgyfnerthwyd yn bendant tua 1110 o dan yr ieirll Eingl-Normanaidd
de Clare. Daeth yn ganolfan Arglwyddiaeth Aberteifi, o tua 1201 fel arglwyddiaeth
frenhinol, a’r castell oedd y ganolfan weinyddol ar gyfer sir Aberteifi
a sefydlwyd yn 1284. Fodd bynnag, daeth rôl weinyddol y castell
i ben pan basiwyd Deddf Uno 1536. Fe’i hesgeuluswyd ac erbyn 1610
roedd yn dechrau adfeilio, ond gwelodd frwydro yn 1644-5 yn ystod y Rhyfel
Cartref pan y’i difrodwyd ac y’i cymerwyd gan luoedd y Senedd.
Daeth i feddiant John Bowen erbyn 1810 a dechreuodd ei addasu’n
blasty, gan godi tþ a thirlunio’r tu mewn. Roedd pobl yn byw
ynddo tan ddiwedd yr 20fed ganrif. Disgwylir i waith i atgyfnerthu’r
adfeilion ddechrau yn fuan.
Sefydlwyd Castell Cilgerran tua 1100 fel caput arglwyddiaeth
Cilgerran. Mae’n bosibl na saif y castell ar safle canolfan y cwmwd
cyn y goresgyniad Normanaidd, am yr ymddengys na chafodd enw’r arglwyddiaeth,
sef Cilgerran, tan ganol y 12fed ganrif, a chyfeiriwyd ato fel Cenarth
Bychan pan ymosodwyd arno gan y Cymry mewn cyrch beiddgar yn 1109. Adenillwyd
yr arglwyddiaeth gan y Cymry yn 1164 ac arhosodd o dan reolaeth y Cymry,
ar wahân i gyfnod byr rhwng 1204 a 1214, tan 1223 pan y’i
cipiwyd gan William Marshal, Iarll Penfro. Dechreuwyd ailadeiladu’r
castell o gerrig yn 1223, ac roedd wedi’i gwblhau i raddau helaeth
erbyn diwedd y 13eg ganrif. Ei ddau dðr ‘baril’ yw elfennau
amlycaf y dirwedd o hyd. Pan ddiddymwyd yr arglwyddiaeth yn 1536 gadawyd
y castell yn wag a dechreuodd ddirywio. Ni welodd unrhyw frwydro yn ystod
y Rhyfel Cartref a gadawyd iddo adfeilio, er ei fod yn ffynhonnell ysbrydoliaeth
i arlunwyr Rhamantaidd megis Richard Wilson, a J M W Turner a wnaeth sawl
astudiaeth o’r castell.
YSTADAU ÔL-GANOLOESOL
Ystadau fu’r prif ddylanwad ar economi wledig
rhan isaf Dyffryn Teifi o ddechrau’r 17eg hyd ddechrau’r 20fed
ganrif, ond yn arbennig pan fuont ar eu hanterth ar ddiwedd y 18fed ganrif
a’r 19eg ganrif. O’r ystadau hyn yr un fwyaf oedd Ystad Gelli
Aur y teulu Vaughan, a gynhwysai pan oedd ar ei hanterth ymron i’r
holl dir ar ochr ddeheuol afon Teifi o Bentrecwrt yn y dwyrain i Genarth
yn y gorllewin. Roedd gan ystadau eraill ddaliadau tir helaeth, megis
Castell Maelgwyn, Llangoedmor a Noyadd, ac roedd tir ynghlwm wrth rai
o’r tai bonedd mwy o faint - sef Gellidywyll, Pentre, Stradmore,
Llwyndyrys a Pharc y Pratt. Mae effaith yr ystadau hyn ar y dirwedd yn
gynnil ac eto’n amlwg. Mae tai mawr a’r gerddi a’r parciau
a gynlluniwyd o’u hamgylch yn un o ganlyniadau amlwg y modd y ffurfiai
ac y defnyddiai perchenogion tir y dirwedd at eu mwynhad eu hunain. Dengys
adeiladau sydd o safon uwch nag arfer bresenoldeb ystad gryf hefyd. Mae
Gelligatti, tþ a fferm enghreifftiol a adeiladwyd ar gyfer asiant
ystad Gelli Aur yn enghraifft amlwg o hyn, a hefyd y nifer o adeiladau
bach, ond sydd o safon serch hynny, yn dyddio o’r 19eg ganrif yng
Nghenarth, pentref a oedd bron yn gyfan gwbl o dan reolaeth y teulu Vaughan.
Nid yw ffermdai ac adeiladau fferm llai o faint at ei gilydd yn dynodi
rheolaeth ystad. O ddadansoddi’r adeiladau hyn, fodd bynnag, datgelir
bod y rhai o fewn ardal yr ystad yn tueddu i fod yn yr arddull Sioraidd
(er iddynt gael eu hadeiladu yn aml tua diwedd y 19eg ganrif), tra bod
gan adeiladau y tu allan i’r ardal hon nodweddion mwy brodorol.
Yn fwy cynnil byth yw’r rheolaeth a oedd gan yr ystadau dros gynllun
y caeau a systemau caeau. Mewn ardaloedd eraill yn ne-orllewin Cymru a
reolid gan ystadau megis dyffryn Tywi a de-orllewin sir Benfro dilëwyd
systemau meysydd agored canoloesol ac fe’u disodlwyd gan gaeau mawr,
rheolaidd eu siâp yn ystod yr 16eg neu’r 17eg ganrif. Mae
hyn yn cyferbynnu ag ardaloedd lle’r oedd gan ystadau lai o reolaeth.
Yn yr ardaloedd hyn parhaodd meysydd agored hyd yn oed i mewn i’r
19eg ganrif, a phan y’u hamgaewyd yn y diwedd crëwyd patrwm
o lain-gaeau. Yn Rhan Isaf Dyffryn Teifi, ac i raddau llai yn nhirwedd
Dre-fach a Felindre, nid oes fawr ddim tystiolaeth dopograffig na hanesyddol
o systemau meysydd agored, a dengys mapiau ystad yn dyddio o ddiwedd y
18fed ganrif dirwedd sy’n debyg iawn i’r un a welir heddiw.
Mae hyn i gyd yn awgrymu’n gryf i ystadau rhan isaf Dyffryn Teifi
chwarae rhan allweddol yn y broses o drefnu’r meysydd i greu’r
systemau a welir heddiw, ar ddechrau’r cyfnod modern.
COETIR
Mae coetir collddail lled-naturiol yn un o elfennau
dyffryn afon Teifi a’i hisafonydd, a cheir pocedi ohono rhwng Eglwyswrw
a Llandudoch. I bob pwrpas ni cheir unrhyw goetir yn y rhan orllewinol,
arfordirol o Ran Isaf Dyffryn Teifi. O fewn Dyffryn Teifi ei hun fe’i
cyfyngir yn bennaf i lethrau serth yr isafonydd lle y mae’n lled-naturiol
o leiaf a lle y bu’n ddarostyngedig i gyfundrefn reoli anffurfiol.
Mae’n amlwg ei fod yn elfen bwysig yn yr economi ond ni chofnodir
y defnydd a wneid ohono fel arfer. Fe’i hestynnwyd gan blanhigfeydd
o goed a blannwyd gan ystadau yn ystod y 18fed ganrif a’r 19eg ganrif,
tra bod rhywfaint o goetir wedi aildyfu dros hen gaeau a ffermydd.
Fodd bynnag, mae un ystad i’r gogledd o afon Teifi,
sef Coedmore – sy’n dal i fod yn goediog - yn cynrychioli
rhan o’r ddemên ffurfiol a oedd ynghlwm wrth Gastell Aberteifi.
Y ddemên oedd y rhan honno o’r faenor lle’r oedd y tir
yn eiddo i’r arglwydd ei hun, sy’n golygu ei fod yn ddarostyngedig
i gyfundrefn faenoraidd Eingl-Normanaidd. Fel arfer, câi tir demên
ei weithio gan denantiaid caeth am 2 neu 3 diwrnod yr wythnos yn gyfnewid
am leiniau o dir. Fodd bynnag, gallai gynnwys coedwigoedd, tir diffaith
neu goetir hefyd, fel yng Nghoedwig Arberth a oedd yn rhan o’r ddemên
ynghlwm wrth Gastell Penfro. Mae’r enw Coed Mawr (= Coedmore) yn
awgrymu bod yr ardal hon hefyd yn un goediog erioed ac y câi ei
defnyddio ar gyfer ei gwerth economaidd. Parhaodd Castell Aberteifi i
fod yn eiddo i’r goron. Fodd bynnag, ymddengys i Goed Mawr gael
ei is-osod yn gynnar, a chofnodwyd bod Iarll Roger o’r Waun yn dal
y faenor ar ddiwedd y 13eg ganrif. Daeth yn ystad a pharc bonedd yn ddiweddarach.
Roedd Coedwig Cilgerran yn rhan fawr o Arglwyddiaeth
Cilgerran yn y cyfnod canoloesol. Cyfeirir ati mewn adroddiadau yn dyddio
o ddiwedd y cyfnod canoloesol a’r 16eg ganrif fel un o goedwigoedd
mawr sir Benfro, ynghyd â Choedwigoedd Arberth, Coedrath a Canaston.
Roedd y coedwigoedd hyn yn rhai maenoraidd, ffurfiol a arferai gyfraith
y goedwig. Mae rhan helaeth o’r ardal yn dal i fod yn goediog, er
bod y rhan hon o’r gyn-arglwyddiaeth wedi’i lleoli y tu allan
i’r ardaloedd Cofrestr.
Mae planhigfeydd o goed coniffer yn dyddio o ail hanner
yr 20fed ganrif yn un o nodweddion y tir uchel i’r de o Ddyffryn
Teifi. Plannwyd rhan helaeth o’r planhigfeydd hyn dros rostir agored
a chaeau a adawyd, gan gynnwys rhai caeau a amgaewyd yn y 19eg ganrif
trwy Ddeddf Seneddol. Yn aml mae’n elfen amlwg yn y dirwedd.
MASNACH A DIWYDIANT MOROL
Bu lleoliad Aberteifi ar lan y môr yn bwysig i’w
datblygiad ers y cyfnod canoloesol, ac am ei bod yn bosibl ei chyflenwi
o’r môr gwrthsafodd gyrchoedd gan y Cymry am y rhan fwyaf
o’r 12fed ganrif. Mae’n bosibl iddo ddirywio yn ystod yr 16eg
ganrif, ond yn ystod y 18fed ganrif a’r 19eg ganrif roedd gan Borthladd
Aberteifi awdurdod dros Dreftadaeth, Abergwaun, Aberaeron, Aberporth a
Cheinewydd yn ystod y 18fed ganrif a’r 19eg ganrif, ac roedd ganddi
lynges gyfunedig, yn 1833, o 291 o longau cofrestredig. Roedd adeiladu
llongau hefyd yn fywoliaeth bwysig, ond roedd wedi dechrau dirywio erbyn
tua 1800. Cymerai’r dref ran mewn cryn dipyn o fasnach ar hyd yr
arfordir, yn ogystal â rhywfaint o fasnach dramor, gan allforio
ceirch, menyn, rhisgl derw, ac – yn arbennig o ddiwedd y 19eg ganrif
ymlaen – llechi a gloddiwyd yn lleol. Dirywiodd y fasnach hon ar
ddechrau’r 20fed ganrif er bod diwydiant pysgota penwaig ar hyd
yr arfordir, a physgodfa eogiaid ar afon Teifi – gan gynnwys pysgota
mewn cyryglau – wedi parhau i mewn i ganol yr 20fed ganrif. Yn ddiau
mae twf cyflym Llandudoch i’w briodoli i raddau helaeth i’r
fasnach brysur ar hyd afon Teifi, wrth i Borthladd Aberteifi dyfu a’r
gweithgarwch cysylltiedig ymledu i Landudoch.
Mae rhai cyfeiriadau cynnar ar bysgota â sân
yn Llandudoch. Mae ffynhonnell ganoloesol yn cyfeirio at bysgodfa eogiaid
yn gysylltiedig â’r abaty, ac mae cofnod diweddarach hefyd
o gðyn a wnaed yn ystod teyrnasiad Elisabeth I yn ymwneud â
physgota â rhwydi a elwid yn “sayney”. Tra byddai pobl
yn pysgota â sân ar hyd glannau’r aber, datblygodd Llandudoch
hefyd yn un o nifer o bysgodfeydd penwaig pwysig ar hyd arfordir Bae Ceredigion.
Erbyn hyn dim ond dan drwydded y gellir pysgota â sân a hynny
gan un tîm o bysgotwyr, ac mae dyfodol y traddodiad hynafol hwn
dan fygythiad.
Mae hanes hir i bysgota ar afon Teifi islaw Cilgerran.
Roedd y ceunant islaw’r castell yn enwog fel lle pysgota, yn arbennig
am eogiaid. Erbyn 1270, roedd gan gored eogiaid Arglwydd Cilgerran islaw’r
castell chwe byddagl, a gwnaed cwynion eu bod yn rhwystro traffig ar yr
afon a oedd yn cario cerrig i lawr yr afon ar gyfer gwaith adeiladu’r
brenin yng Nghastell Aberteifi. Gorchmynnwyd symud y byddaglau, ond fe’u
hailadeiladwyd yn 1314 gan Arglwydd Cilgerran, yn y fath fodd fel na tharfent
ar draffig yr afon. Disgrifiwyd y chwe byddagl gan George Owen yn 1603
fel ‘cored fwyaf Cymru gyfan’. Parhaodd y bysgodfa i gael
ei weithio gan fwrdeisiaid Cilgerran trwy’r cyfnod ôl-ganoloesol,
a lleolid yr adeilad lle y câi’r pysgod eu pwyso - sef Tþ’r
gored, yn union o dan y castell. Arferid pysgota mewn cyryglau yn y ceunant
hefyd tan yn ddiweddar.
Roedd cored bysgod fawr hefyd yn un o nodweddion Cenarth
yn ystod y cyfnod canoloesol ac ar ôl hynny. Roedd wedi’i
lleoli i fanteisio ar faglau a phyllau naturiol Rhaeadrau Cenarth. Mae
gennym ddisgrifiad llygad-dyst pwysig ac unigryw o’r bysgodfa yn
ystod y 1180au, pan y’i disgrifiwyd gan Gerallt Gymro fel ‘safle
pysgota (eogiaid) ffyniannus. Mae dyfroedd afon Teifi yn llifo’n
ddi-baid dros (y rhaeadrau), gan ddisgyn â thwrw enfawr i’r
dibyn islaw. O’r dyfnderau hyn y mae’r eogiaid yn esgyn i’r..graig
uwchlaw… .’. Cyfrannai pysgota am eogiaid at economi’r
anheddiad bach tan yn gymharol ddiweddar. Yn draddodiadol arferid pysgota
am eogiaid mewn cyryglau - erbyn hyn atyniad i ymwelwyr ydyw.
Y DIWYDIANT GWLÂN YN Y
BEDWAREDD GANRIF AR BYMTHEG A’R UGEINFED GANRIF
Golygai tir pori helaeth ar gyfer defaid, cyflenwad
digonol o ddðr meddal a nifer fawr o nentydd yn llifo yn gyflym i
yrru peiriannau fod hanes hir i weithgarwch gweithgynhyrchu brethyn yn
y De-orllewin. Hyd ddiwedd y 18fed ganrif câi brethyn ei weithgynhyrchu’n
lleol, ac nid oedd unrhyw ganolfannau cynhyrchu amlwg. Tua diwedd y ganrif,
arweiniodd y defnydd cynyddol a wnaed o beiriannau a yrrid gan ddðr
at rywfaint o ganoli yn y diwydiant. Yn ardal Dre-fach Felindre sefydlwyd
melinau pannu yn Mhentrecwrt, Dolwynon, Dre-fach a Chwmpengraig. Dyma
pryd y dechreuodd y diwydiant gwlân yng ngogledd sir Gaerfyrddin.
Sefydlwyd ffatrïoedd cardio yng Nghwmpencraig a Dolwyon erbyn 1820.
Hyd at 1850 cyfeiriai’r term ffatri at adeilad lle y câi peiriannau
cardio neu nyddu eu gyrru gan ddðr. Câi’r gwlân
ei wehyddu ar wþdd llaw, fel arfer mewn tai neu weithdai ynghlwm
wrth adeiladau domestig. O ganlyniad i ddefnydd helaethach o rym dðr,
a mathau eraill o bðer yn ddiweddarach, ynghyd â chyflwyno’r
gwþdd peiriannol tyfodd y diwydiant yn gyflym. Erbyn dechrau’r
20fed ganrif roedd dros 23 o ffatrïoedd yn gweithio yn ardal Dre-fach
Felindre, ac roedd ffatrïoedd eraill wedi’u lleoli mewn mannau
eraill yn nyffryn Teifi megis yn Llanbedr Pont Steffan, Llandysul, Castellnewydd
Emlyn, Aberteifi a Llandudoch. Cynhyrchwyd brethyn gan ffatrïoedd
gwledig a ffatrïoedd heb fod yn wledig. Roedd y ffatrïoedd gwledig
mewn lleoliadau anghysbell a chaent eu rhedeg gan deuluoedd. Roedd y ffatrïoedd
nad oeddent yn rhai gwledig yn fwy cyffredin yn nhirwedd Dre-fach Felindre.
Cyflogent 50-100 o bobl ac roeddynt wedi’u lleoli at ei gilydd mewn
neu gerllaw pentrefi ac fel arfer gerllaw rheilffordd neu gysylltiadau
ffordd da. Roedd y diwydiant yn ei anterth o 1880 hyd 1910, ond erbyn
y 1920au roedd yn dirywio, er i rai melinau barhau i gynhyrchu ymhell
i mewn i ail hanner yr 20fed ganrif.
CLODDIO CERRIG/LLECHI
Defnyddir y term llechi neu gerrig rhan isaf Dyffryn
Teifi yma yn hytrach na’r term llechi Cilgerran a ddefnyddir yn
amlach. Mae hyn am y câi llawer o chwareli bach i gyflenwi marchnadoedd
lleol eu gweithio mewn llawer o wahanol leoliadau yn nyffryn Teifi yn
ogystal â’r mentrau mawr a leolid yn y ceunant islaw Cilgerran.
Cynhyrchid llechi toi, ond nid oedd o ansawdd da, a’r prif gynhyrchion
oedd ‘llechfeini’ a cherrig adeiladu cyffredinol. Mae i weithgarwch
cloddio cerrig a llechi hanes hir yn rhan isaf dyffryn Teifi fel y dangosir
gan adeiladau canoloesol mawr megis Castell Aberteifi a Chastell Cilgerran.
Fodd bynnag, fel arfer nid oedd graddfa fach y diwydiant ond yn ddigon
i gyflenwi’r farchnad leol. Nid tan ganol y 19eg ganrif pan gyflwynwyd
mwy o fecaneiddio, grym ager a gwell cysylltiadau trafnidiaeth y cynyddodd
cynhyrchiant chwareli ceunant Cilgerran. Roedd dwy brif ganolfan gloddio:
chwareli islaw’r dref ei hun a Fforest, ychydig o gilomedrau i lawr
y nant. Dechreuodd cynhyrchiant leihau yn ystod degawdau cynnar yr 20fed
ganrif, a chaeoedd y chwarel olaf yng Nghilgerran yn 1938.
Mae treftadaeth gweithgarwch cloddio cerrig a llechi
yn rhan isaf dyffryn Teifi i’w gweld nid yn olion ffisegol y diwydiant
ei hun, sy’n brin ac sydd ynghudd yn aml ar lethrau tra choediog,
ond yn adeiladau'r rhanbarth. Roedd llechi rhan isaf Dyffryn Teifi i’w
cael ym mhobman nes iddynt gael eu disodli gan frics ac wedyn gan ddeunyddiau
eraill. Trafodir y defnydd a wneid o ddeunyddiau adeiladu yn fanylach
isod.
DIWYDIANNAU ERAILL
Rhwng 1764 a 1770 sefydlwyd gwaith tunplat a haearn
helaeth yng Nghastell Maelgwyn, ar lannau afon Teifi ym Mhenygored. Cyflenwai
camlas (neu ffrwd) y gwaith â dðr, daethpwyd â deunyddiau
ar gyfer y gwaith i fyny’r afon fordwyadwy ac roedd digon o goetir
ar lethrau’r dyffryn ar gyfer tanwydd. Roedd Cwmni Penygored yn
llwyddiannus ac aeth trwy nifer o ddwylo nes cael ei brynu yn 1792 gan
Syr Benjamin Hammet, a brynodd ystad Castell Maelgwyn hefyd. Bu ar waith
tan 1806. Mae safle’r gwaith wedi diflannu bellach. Ymddengys nad
adeiladwyd unrhyw dai gweithwyr yn benodol i ddarparu ar gyfer ei weithlu,
a fu’n byw yn ôl pob tebyg ym mhentref cyfagos Llechryd.
ANEDDIADAU TRESMASU YN DYDDIO
O’R DDEUNAWFED GANRIF A’R BEDWAREDD GANRIF AR BYMTHEG
Fel pob rhan o Gymru, ac yn wir y rhan fwyaf o orllewin
Prydain, tyfodd aneddiadau gwledig ar adeg pan oedd y boblogaeth yn cynyddu’n
gyflym ar ddiwedd y 18fed ganrif a dechrau’r 19eg ganrif at ei gilydd
lle y cyfarfyddai tir amaeth â thir comin. Ymddengys nad oedd fawr
ddim sail gyfreithiol i’r aneddiadau sgwatwyr hyn, neu dai unnos,
ond yn y tirweddau a ddisgrifir yma ymddengys i berchenogion tir a thenantiaid
eraill ganiatáu iddynt gael eu sefydlu. Mae eu treftadaeth yn dra
amlwg - sef daliadau amaethyddol a bythynnod bach wedi’u gosod mewn
tirwedd o gaeau bach, afreolaidd eu siâp yn ffinio â rhostir
agored neu dir uchel agored. Yn nhirweddau hanesyddol Rhan Isaf Dyffryn
Teifi a Dre-fach a Felindre mae morffoleg a chymeriad y tyddynnod sy’n
ffinio â’r unig lain sylweddol o rostir uchel, agored, sef
Rhos Llanger, Rhos Penboyr a Rhos Cilrhedyn, yn nodi iddynt gael eu sefydlu
fel tresmasiadau anghyfreithlon ar dir comin. Mae mapiau degwm dyddiedig
tua 1840 a map o’r tir comin dyddiedig 1866 a luniwyd ar gyfer y
Dyfarniad Cau Tir yn cadarnhau’r dystiolaeth ffisegol sydd wedi
goroesi. Roedd tiroedd comin llai o faint ar y tir isel yn agored i’r
un broses. Mae tresmasu gan glystyrau llac o fythynnod gweithwyr ar dir
comin, megis yn Waungilwen a Chwmhiraeth yng nghanol y 19eg ganrif, yn
anghyffredin yn ne-orllewin Cymru, ond efallai ei fod yn fwy cyffredin
yn yr ardaloedd diwydiannol yn ne-ddwyrain a gogledd-orllewin y wlad.
AMGÁU TIR TRWY DDEDDF
SENEDDOL
Erbyn diwedd y 18fed ganrif os nad ynghynt cynhwysai’r
rhan fwyaf o dirweddau hanesyddol Rhan Isaf Dyffryn Teifi a Dref-fach
Felindre dir amaethyddol. Felly nid oedd fawr ddim tir comin agored a
fynnai Ddeddf Seneddol er mwyn ei amgáu. Roedd Rhos Llanger, Rhos
Penboyr a Rhos Cilrhedyn, esgair uchel o rostir yng ngwahaniad dyfroedd
afon Tywi ac afon Teifi yn sir Gaerfyrddin, yn eithriad nodedig. Ym 1866
rhoddwyd dyfarniad cau tir i amgáu’r llain fawr hon o rostir
uchel, gan ei thrawsnewid yn dirwedd o gaeau mawr, afreolaidd eu siâp,
lle y sefydlwyd ffermydd yn fuan ar ôl hynny. Ychydig ynghynt, yn
1855, roedd Deddf Seneddol wedi amgáu pocedi bach o dir comin ger
Dref-fach a Felindre. Mae’n debyg mai’r pocedi hyn o dir comin
oedd olion olaf tir comin iseldirol a arferai fod yn helaeth, a’r
broses ffurfiol o’u hamgáu oedd y cam olaf mewn proses dresmasu
dameidiog ac anghyfreithlon a oedd wedi para nifer o ganrifoedd.
FFINIAU CAEAU
Yn debyg i weddill de-orllewin Cymru mae’r prif
fath o ffin cae yn cynnwys clawdd pridd neu glawdd o bridd a cherrig ac
arno wrych. Mae’r gwrychoedd hyn yn elfen bwysig yn y dirwedd hanesyddol.
Mae cymeriad y gwrychoedd yn amrywio rhwng ffermydd ac oddi mewn iddynt
hyd yn oed; mae rhai mewn cyflwr da gydag ambell lwyn mawr neu goeden,
mae gan rai goed nodedig, mae eraill wedi dirywio yn rhesi aflêr
o lwyni a choed tra bod eraill yn cynnwys rhedyn ac eithin ar gloddiau
enfawr. Y meini prawf hollbwysig wrth bennu cymeriad y gwrych yw pa mor
uchel a pha mor agored ydyw. At ei gilydd po fwyaf cysgodol yw’r
lleoliad mwyaf toreithiog yw’r gwrych. Mae’n amlwg bod gweithgarwch
rheoli ran i’w chwarae hefyd a cheir gwrychoedd mewn cyflwr gwael
sydd wedi dirywio’n rhesi o lwyni ar loriau dyffrynnoedd, ond ni
all gwrychoedd mawr yn cynnwys llwyni cryf fyw ar y bryniau agored ar
hyd yr arfordir i’r gorllewin. Yn wir dim ond yn yr ardaloedd hyn
y ceir mathau eraill o ffiniau. Mae’r rhain yn cynnwys cloddiau
caregog yn bennaf ac arnynt wrychoedd isel o eithin a rhedyn, ond ceir
ambell wal sych, sydd fel arfer wedi dymchwel erbyn hyn.
ADEILADAU
Adeiladau gwledig
Yn debyg i’r rhan fwyaf o’r De-orllewin mae’r rhan fwyaf
o’r stoc adeiladau a godwyd cyn yr 20fed ganrif yn dyddio o’r
19eg ganrif. Prin iawn yw’r adeiladau domestig ac amaethyddol a
adeiladwyd cyn y 19eg ganrif. Dengys gwaith dadansoddi adeiladau i bron
pob un o’r adeiladau gwledig llai o faint gael eu disodli gan adeiladau
newydd yn ystod cyfnod o weithgarwch ailadeiladu ar raddfa fawr o tua
1840 hyd tua 1900, a dim ond dyrnaid o adeiladau cynharach sydd wedi goroesi.
Mae’r nifer fach o adeiladau sydd wedi goroesi yn ein galluogi i
amgyffred traddodiad sydd bron wedi darfod o’r tir y mae’r
dystiolaeth ohoni bron wedi diflannu hefyd. Ffermdai unllawr, bach ydynt,
megis yn Rhyd, Llandygwydd (a ddefnyddir bellach fel adeilad allan), bythynnod,
fel yng Nghwmcych, neu adeiladau allan. Mae pob un o’r rhain wedi’u
hadeiladu o gerrig o ansawdd gwael neu bridd (clom) a chanddynt doeau
gwellt. Roeddynt yn fach, yn syml ac yn fregus ac fe’u hysgubwyd
o’r neilltu yn hawdd yn ystod ffyniant cynyddol y 19eg ganrif. Fe’u
disodlwyd gan dai deulawr, bythynnod ac adeiladau fferm wedi’u hadeiladu
o gerrig, nad ydynt yn honni bod iddynt unrhyw werth pensaernïol
mawr, er iddynt gael eu hadeiladu’n dda o gerrig llanw neu gerrig
patrymog. Mae’r mwyafrif wedi’u codi yn ôl y traddodiad
Sioraidd - sef adeiladau deulawr a chanddynt dair ffenestr ar draws, cynllun
a drychiadau rheolaidd, a nenfydau a ffenestri cymharol uchel - er bod
gan rai un neu ragor o nodweddion brodorol megis cynllun anghymesur, nenfydau
isel, ffenestri bach a simneiau mawr. Mae bron pob un o’r adeiladau
fferm a adeiladwyd cyn yr 20fed ganrif wedi’i adeiladu o gerrig,
ac mae gan y mwyafrif o’r ffermydd un neu ddwy res wedi’u
trefnu’n anffurfiol o amgylch ochrau iard. Gall ffermydd llai o
faint gynnwys un rhes yn unig sydd ynghlwm wrth y ffermdy ac yn yr un
llinell ag ef, ac mae gan ffermydd mwy o faint dair neu ragor o resi.
Mae beudai, stablau, ysguboriau ac adeiladau storio eraill yn dangos bod
economi ffermio gymysg ar waith yn ystod y 19eg ganrif. Darparwyd y mwyafrif
llethol o’r tai a’r ffermydd hyn gan ystadau ac adeiladwyd
eraill gan fân adeiladwyr a/neu fe’u hadeiladwyd gan y preswylwyr
eu hunain. Mae’n amlwg y tu allan i ardal y prif ystadau, ym mhen
gorllewinol pellaf dyffryn Teifi ac ar dir uwch i’r de o Dref-fach
a Felindre, fod gan y tai nodweddion mwy brodorol na’r rhai o fewn
yr ardal, sy’n dynodi bod adeiladau ystad wedi’u safoni rywfaint.
Bu traddodiad o adeiladu â cherrig o safon yn yr
ardal hon ers dros 800 canrif fel y dangosir gan Gastell Aberteifi a Chastell
Cilgerran, ond cyn canol y 19eg ganrif nid oedd wedi treiddio i lawr i’r
tai, bythynnod a ffermydd llai o faint. Prin yw’r adeiladau domestig
ac amaethyddol mwy o faint sy’n gynharach na chanol y 18fed ganrif
sydd wedi goroesi, sy’n awgrymu nad oedd y stoc adeiladau o ansawdd
arbennig o uchel a’i fod wedi gorfod cael ei adnewyddu. Mewn gwirionedd
nid tan ddiwedd y 18fed ganrif a dechrau’r 19eg ganrif y defnyddir
gwaith maen o ansawdd da mewn adeiladau domestig ac wedyn ar dai mawr
megis Castell Maelgwyn a Choedmor. Defnyddiwyd gwaith maen o ansawdd da
ar ôl hynny mewn adeiladau llai o faint.
Prin yw’r adeiladau gwledig sy’n dyddio o
hanner cyntaf yr 20fed ganrif. Ailddechreuodd gweithgarwch datblygu gwledig
yn y 1960au ac mae wedi cyflymu ers y 1980. Adeiladwyd ambell dþ
newydd mewn lleoliadau anghysbell, clystyrau o dai ar gyrion pentrefi
sefydledig megis yn Llandygwydd a Chenarth, ac ailadeiladwyd ffermdai
hþn. Nid yw’r ffenomenon olaf yn gyffredin ac eithrio yn y
rhannau uwch o dirwedd hanesyddol Dref-fach a Felindre lle’r oedd
stoc adeiladau’r 19eg ganrif yn ôl pob tebyg yn wael. Mae
codi adeiladau fferm modern o goncrid, dur ac asbestos wedi cael effaith
fwy dramatig ar y dirwedd.
Pentrefi a phentrefannau diwydiannol
Mae’r adeiladau ym mhentrefi a phentrefannau diwydiannol Dref-fach
a Felindre, Abercych ac i raddau llai Gilgerran yn dyddio o ail hanner
y 19eg ganrif ac mae crynhoad sylweddol yn dyddio o’r ddau ddegawd
olaf. Mae teras o dai isel yn dyddio o’r 18fed ganrif yng nghanol
Dref-fach yn dynodi’r math cynnar o stoc dai, ond yn debyg i dai
gwledig disodlwyd y mwyafrif o’r math cynnar hwn o dai yn y 19eg
ganrif. Tyfodd pob un o’r aneddiadau diwydiannol yn nhirwedd hanesyddol
Dref-fach a Felindre yn gyflym rhwng canol a diwedd y 19eg ganrif. Mae
hyn i’w briodoli i dwf y diwydiant gwlân, a adlewyrchir yn
y nifer fawr o ffatrïoedd wedi’u hadeiladau o gerrig a brics,
y stoc dai gysylltiedig, capeli ac eglwysi ac adeiladau eraill a adeiladwyd
bryd hynny. Mae patrwm anheddu pendant yn cynnwys melin, tþ perchennog
y felin, tai gweithwyr a chapeli mewn clystyrau ar loriau dyffrynnoedd
i’w weld megis yng Nghwmpengraig a Chwmhiraeth. Mae tai gweithwyr
wedi’u grwpio mewn terasau byr neu unedau pâr a ddarparwyd
naill ai gan berchenogion melinau neu hapfasnachwyr ar raddfa fach. Maent
wedi codi yn yr arddull Sioraidd yn fras – sef cynllun a drychiad
cymesur, nenfwd uchel a ffenestri mawr – sy’n adlewyrchu dyheadau
gweithwyr ar ddiwedd y 19eg ganrif. Ceir cymysgu cymdeithasol o fewn cymunedau
a saif tþ’r perchennog a/neu dþ’r rheolwr gerllaw
tai’r gweithwyr neu wrth eu hochr. Fodd bynnag, nid yw’r un
o dai’r perchenogion/rheolwyr yn arbennig o fawr, a saif rhai dafliad
carreg o weddill y gymuned.
Mae adeiladau yn adlewyrchu ffawd y diwydiant gwlân
yn ogystal â diwydiannau eraill. Ychydig iawn o dai newydd a adeiladwyd
mewn aneddiadau cysylltiedig pan fu’r diwydiannau hyn yn dirywio
yn ystod degawdau cyntaf yr 20fed ganrif. Oherwydd cysylltiadau trafnidiaeth
hawdd a chyflym â chymunedau mwy o faint mae gweithgarwch datblygu
wedi cynyddu, ac adeiladwyd tai unigol newydd ac ystadau bach ers y 1970au
yn Nhref-fach a Felindre, Cilgerran, a Chwmcych.
Aneddiadau trefol ac anniwydiannol
Ceir yr amrywiaeth mwyaf o adeiladau domestig a masnachol yn y ddwy dirwedd
hanesyddol yn Aberteifi. Mae cyfyngiadau o fewn y dref ganoloesol wedi
creu cynllun lle y mae tai, siopau ac adeiladau masnachol eraill, sy’n
dyddio ar y cyfan o ddiwedd y 18fed ganrif a dechrau’r 19eg ganrif,
wedi’u cywasgu i mewn i derasau. I ffwrdd o’r cyfyngiadau
hyn mae tai a adeiladwyd yn ddiweddarach yn ystod y 19eg ganrif yn dal
i sefyll mewn terasau, ond mewn cyferbyniad â’r adeiladau
cynnar o gerrig mae brics wedi’u defnyddio yn amlach. Mae datblygiadau
diweddarach yn fwy rhydd byth, ac mae filâu ar wahân, tai
pâr ac ystadau yn gyffredin. Ceir patrymau tebyg, ond ar raddfa
lai, yn Llandudoch a Chilgerran, a hyd yn oed ym mhentrefi bach Cenarth
a Llechryd.
Deunyddiau adeiladu waliau
Mae deunydd adeiladu cyffredin - sef llechi dyffryn Teifi - yn cysylltu’r
holl adeiladau a godwyd cyn 1870, gan gynnwys tai, bythynnod, adeiladau
fferm, eglwysi, capeli, cestyll, melinau, ffatrïoedd a phontydd,
yn nhirweddau hanesyddol Rhan Isaf Dyffryn Teifi, a Dref-fach a Felindre.
Defnyddir y term llechi dyffryn Teifi yn hytrach na’r term llechi
Cilgerran a ddefnyddir yn amlach am y câi chwareli ‘llechi’
yn nyffryn Teifi y tu allan i’r ceunant yng Nghilgerran eu gweithio
ar gyfer cerrig adeiladu. Sylweddolwyd gwerth y garreg adeiladu hon a
oedd o ansawdd da yn gynnar fel y dangosir gan y defnydd a wnaed ohoni
yn y 13eg ganrif- 14eg ganrif yng Nghastell Aberteifi a Chastell Cilgerran,
ac yn ddiweddarach yn yr 17eg ganrif a’r 18fed ganrif ar bontydd
Aberteifi, Llechryd ac ar bontydd eraill dros afon Teifi.
Carreg amlddefnydd ydyw, o liw llwyd-brown fel arfer
ond ceir arlliwiau arianlliw-llwyd yn yr haenau â’r graen
mwyaf mân. Gellir ei hollti’n slabiau mawr, ei naddu â
chþn, a’i llifio’n flociau nadd. Dangosir repertoire
llawn llechi dyffryn Teifi orau mewn pensaernïaeth ddomestig. Mae
cerrig heb fod yn batrymog neu gerrig bras yn gyffredin yn y tai cynharaf
sydd wedi goroesi yn dyddio o ddiwedd y 18fed ganrif a dechrau’r
19eg ganrif, hyd yn oed mewn rhai anheddau sylweddol megis plasty Castell
Maelgwyn, ac mae’n parhau i gael ei defnyddio yn y ffurf hon mewn
tai gweithwyr a bythynnod symlach hyd at ddiwedd y 19eg ganrif a dechrau’r
20fed ganrif. Mae conglfeini yn aml yn slabiau mawr ac iddynt ffurf nodedig,
hyd yn oed mewn adeiladau a adeiladwyd o gerrig llanw, ac mae meini bwa
ffenestri a drysau fel arfer naddu. Cyflwynwyd llechi a blociau wedi’u
naddu â chþn a oedd wedi’u gosod mewn haenau rheolaidd
a chonglfeini a meini bwa wedi’u naddu’n fwy cywrain mewn
rhai adeiladau mwy godidog erbyn diwedd y 18fed ganrif, ac mae hyn i’w
weld mewn nifer o dai Sioraidd yn Aberteifi, er enghraifft. Mae’r
math hwn o adeiladwaith yn parhau trwy gydol y 19eg ganrif, a daethpwyd
i’w ddefnyddio yn raddol mewn tai a oedd yn is ar yr ysgol gymdeithasol,
megis rhai tai gweithwyr yn Nhref-fach a Felindre, ac yng Nghilgerran.
Yng nghanol y 19eg ganrif cyflwynwyd cerrig wedi’u naddu’n
gywrain a oedd wedi’u gosod mewn haenau rheolaidd, gan ddefnyddio
llechi llwyd â graen mân o Ddyffryn Teifi o chwareli Cilgerran.
Mae cerrig llifiedig sydd wedi’u gosod mewn haenau rheolaidd iawn
i’w cael mewn adeiladau cost uchel o safon yn bennaf megis y bloc
stablau a’r adeiladau gwasanaethu yng Nghastell Maelgwyn a thai’r
perchenogion melin yn Nhref-fach a Felindre, ond fe’i defnyddir
hefyd mewn tai symlach yn dyddio o ddiwedd y 19eg ganrif gerllaw’r
chwareli yng Nghilgerran.
Gwnaed defnydd anarferol a thra addurniadol o lechfeini
arian-llwyd dyffryn Teifi sydd wedi’u gosod mewn haenau llorweddol
cryf a wahenir gan flociau sgwâr o Ddolerit brown cynnes o’r
Preseli sy’n creu effaith gylchog, mewn rhai tai yn dyddio o ganol
y 19eg ganrif yn Llandudoch. Mae’r math hwn o adeiladwaith yn anarferol,
ond gellir ei weld mewn rhai warysau yn Aberteifi ac mewn tai yn Nhrefdraeth
a Dinas yn sir Benfro, er nad yw’r defnydd a wnaed o gerrig o liwiau
cyferbyniol mor amlwg yn yr enghreifftiau hyn ag ydyw yn y tai yn Llandudoch.
Y tu allan i brif ffynonellau llechi dyffryn Teifi ac
i ffwrdd o gysylltiadau trafnidiaeth da, defnyddiwyd mathau eraill o gerrig
o bryd i’w gilydd. Er enghraifft ar dir uwch yn nhirwedd hanesyddol
Dref-fach a Felindre ac ym mhen gorllewinol pellaf tirwedd hanesyddol
Rhan Isaf Dyffryn Teifi defnyddiwyd cerrig a gloddiwyd yn lleol mewn ffermdai,
bythynnod ac adeiladau fferm. Oherwydd ansawdd gwaeth y cerrig mae anheddau
yn aml wedi’u rendro â sment.
Oherwydd gwell cysylltiadau trafnidiaeth a ganiatâi
fewnforio gwahanol ddeunyddiau a gwaith brics Aberteifi a agorodd yn y
1870au daethpwyd i ddefnyddio llai a llai o gerrig, ac erbyn dechrau’r
20fed ganrif rhoddwyd y gorau i’w defnyddio fel deunydd adeiladu.
Ar wahân i leoliadau gerllaw’r gwaith brics yn Aberteifi,
defnyddid brics yn gynnil i ddechrau, megis ar dai gweithwyr yn Nhref-fach
a Felindre lle y mae cilbyst drysau a ffenestri o frics melyn a choch
yn cydategu cerrig. Codwyd adeiladau o frics coch yn unig, yr oedd gan
lawer ohonynt haenau addurniadol o deils a nodweddion pensaernïol
eraill, yn Aberteifi yn ystod y 1870au, ac mewn mannau eraill yn fuan
ar ôl hynny, ond heb yr afiaith gwreiddiol a welir yn y tai a’r
siopau cyntaf. Daeth y ffyniant adeiladu a welwyd yn y cyfnod rhwng canol
a diwedd y 19eg ganrif, y mae nifer fawr o adeiladu wedi’u hadeiladu
o gerrig yn tystio iddo, i ben tua diwedd y ganrif a dechrau’r 20fed
ganrif ac felly nid yw adeiladau o frics coch yn elfen bwysig yn y dirwedd
hanesyddol. Dim ond yn Aberteifi yr adeiladwyd nifer sylweddol o adeiladau
newydd yn ystod hanner cyntaf yr 20fed ganrif. Mae tai maestrefol - filâu
â theils coch sydd wedi’u plastro, anheddau dosbarth canol
pâr ac ystadau bach - yn cyfrannu at y dirwedd drefol. Mae ffyniant
adeiladu newydd ar draws de-orllewin Cymru o’r 1960au ymlaen, ac
yn arbennig o’r 1980au, wedi ychwanegu llawer o dai newydd a strwythurau
eraill at y dirwedd, y tro hwn mewn amrywiaeth o ddeunyddiau.
Mae llechi Rhan Isaf Dyffryn Teifi yn ddeunydd adeiladu
o safon ac anaml y mae angen haen amddiffynnol o sment neu blastr ar dai
a adeiladwyd ohonynt; mae adeiladau fferm wedi’u hadeiladu o gerrig
bob amser wedi’u gadael yn foel. Mae llawer o resymau pam mae gan
rai o’r tai haen o blastr: defnyddiwyd cerrig o ansawdd gwaeth,
defnyddiwyd brics at ddibenion addurniadol. Lle y defnyddiwyd cerrig o
ansawdd gwaeth maent wedi’u plastro er mwyn eu hamddiffyn. Yn Llandudoch,
fodd bynnag, mae traddodiad o dai o safon sydd wedi’u hadeiladu
o gerrig moel yn awgrymu nad oedd angen plastr yn ôl pob tebyg er
mwyn amddiffyn y cerrig, ac eto mae dros hanner yr adeiladau wedi’u
rendro â sment. Mae gan yr adeiladau wedi’u plastro yma naws
dra addurniadol, a repertoire eang - defnyddir gro chwipio o wahanol liwiau,
addurniadau wedi’u gosod o amgylch drysau a ffenestri ac enwau tai
ac mae hyn yn rhoi naws glan môr dalog i’r pentref. Ceir triniaethau
wyneb tebyg ar dai yn Aberteifi a Chilgerran. Er bod gan rai o’r
tai yn aneddiadau diwydiannol Dref-fach a Felindre addurniadau, ymddengys
i blastr gael ei ddefnyddio yma yn bennaf at ddibenion amddiffyn.
Roedd cerrig yn cael eu defnyddio ym mhobman erbyn canol
y 19eg ganrif, ac roeddynt wedi’u defnyddio ar gyfer adeiladau mawr
cyn hynny. Fodd bynnag, mae rhai adeiladau prin sydd wedi goroesi yn amlygu
traddodiad adeiladu cynharach. Mae un neu ddau o fythynnod a ffermdai
bach, anghyfannedd wedi’u hadeiladu o glom (pridd) ar sylfeini cerrig,
ac mae ganddynt doeau gwellt. Mae’n dra thebyg mai ffermdai, bythynnod
ac adeiladau allan fferm wedi’u hadeiladu o glom oedd y mathau mwyaf
cyffredin o adeiladau yn nhirweddau hanesyddol Rhan Isaf Dyffryn Teifi
a Dref-fach a Felindre cyn y gweithgarwch ailadeiladu â cherrig
a gyflawnwyd ar raddfa fawr yn y cyfnod rhwng canol a diwedd y 19eg ganrif.
Deunyddiau toi
Mae llechi nadd o ogledd Cymru a gloddiwyd yn fasnachol wedi’u defnyddio
ledled y rhanbarth. Mae cofnodion hanesyddol yn nodi y câi llechi
rhan isaf Dyffryn Teifi eu defnyddio fel deunydd toi, ond mae’n
ansicr a wneid defnydd helaeth ohonynt cyn canol y 19eg ganrif pan enillodd
llechi o ogledd Cymru oruchafiaeth fel y prif ddeunydd toi. Dengys bythynnod
a ffermdai sydd wedi goroesi fod gwellt yn ddeunydd toi cyffredin yn ôl
pob tebyg, os nad yr unig ddeunydd toi, ar anheddau ac adeiladau fferm
llai o faint, cyn canol a diwedd y 19eg ganrif. Llechi yw’r prif
ddeunydd toi o hyd, ac mae teils concrid, teils seramig, dur ac asbestos
yn dod yn fwyfwy cyffredin.
DATBLYGIADAU YN DYDDIO O’R
UGEINFED GANRIF A DATBLYGIADAU DIWEDDARACH
Mae datblygiadau yn dyddio o’r ugeinfed ganrif
a datblygiadau diweddarach yma yn debyg i ddatblygiadau a welir yng ngweddill
de-orllewin Cymru am eu bod wedi’u cyfyngu at ei gilydd i dri neu
bedwar degawd olaf y ganrif ac maent wedi’u canoli ar gyrion trefi,
pentrefi a phentrefannau sy’n bodoli eisoes. Rhwng 1900 a’r
1960au cynhwysai tai newydd ystadau o dai cymdeithasol ar raddfa fach
ac ystadau bach o dai preifat, megis y rhai ar gyrion gogleddol Aberteifi,
a chyfleusterau diwydiannol ar raddfa fach. Wrth gwrs ceir eithriadau
i hyn, megis y rhaglen barhaol o adeiladu ym melinau gwlân Dref-fach
a Felindre; fodd bynnag, dylid ystyrid bod y gweithgarwch adeiladu hwn
yn cynrychioli ffanffer olaf diwydiant sy’n perthyn i’r 19eg
ganrif yn bennaf yn hytrach na datblygiadau newydd. Erbyn y 1960au roedd
prosiectau tai ar raddfa fawr ar y gweill, ac mae mwy a mwy o ddatblygiadau
tai newydd yn ymddangos. Nid oes unrhyw bentref na phentrefan nad yw’n
cynnwys rhai tai modern, ac mewn rhai achosion mae’r tai modern
mor niferus nes eu bod wedi dileu craidd hanesyddol y gymuned bron â
bod. Ceir y crynoadau dwysaf o dai modern gerllaw trefi a phentrefi. Felly
mae cylch o dai yn dyddio o ddiwedd yr 20fed ganrif yn amgylchynu Aberteifi,
ac mae pentrefannau a phentrefi o fewn pedair i bum milltir i’r
dref yn cynnwys llawer o elfennau modern. Ymhellach i ffwrdd o’r
dref mae nifer y tai newydd yn dechrau lleihau, ond serch hynny maent
bob amser yn bresennol.
CYFUNDREFNAU CYNLLUNIO A’R
AMGYLCHEDD HANESYDDOL
Mae tirweddau hanesyddol Rhan Isaf Dyffryn Teifi a Dref-fach
a Felindre yn ymestyn dros bedwar awdurdod cynllunio: sir Gaerfyrddin,
Ceredigion, sir Benfro a Pharc Cenedlaethol Arfordir sir Benfro. Mae polisïau
cynllunio sir Gaerfyrddin, Ceredigion a sir Benfro wedi esgor ar dirweddau
tebyg fwy neu lai, lle y mae tai newydd wedi’u canoli mewn aneddiadau
sy’n bodoli eisoes neu ar eu cyrion, a lle nad oes fawr ddim datblygiadau
newydd yng nghefn gwlad agored. Fodd bynnag, nid oes fawr ddim datblygiadau
modern o fewn Parc Cenedlaethol Arfordir sir Benfro. Oherwydd hyn ceir
tirwedd fodern ar ochr ogleddol aber afon Teifi sy’n dra gwahanol
i’r un a geir ar yr ochr ddeheuol yn y Parc Cenedlaethol. Gwelwyd
tai/cabanau gwyliau a adeiladwyd gan unigolion preifat yn syth cyn yr
Ail Ryfel Byd ac yn syth ar ei ôl a chyfleusterau ymwelwyr syml
eraill yn datblygu ar ddwy lan yr aber. Fodd bynnag ar yr ochr ddeheuol
ataliwyd y gwaith datblygu hwn a’r unig ddatblygiadau modern yw
maes parcio a gorsaf bad achub. I’r gogledd mae cyfleusterau yn
gysylltiedig ag ymwelwyr wedi ehangu, - parc carafanau, parc/iard hwylio
a chlwb golff - ac adeiladawyd tai modern, wedi’u sbarduno gan y
galw o du tref Aberteifi ychydig o filltiroedd i ffwrdd. Mewn rhai lleoliadau
megis yn y Ferwig mae tai newydd wedi boddi craidd hanesyddol y pentref,
ac mewn lleoedd eraill mae dwysedd y tai wedi arwain at greu cymunedau
newydd.
TWRISTIAETH A’R DIWYDIANT
HAMDDEN
Mae Parc Cenedlaethol Arfordir Sir Benfro a thraeth
tywod Poppit ym mhen gorllewinol pellaf dyffryn Teifi yn derbyn y nifer
fwyaf o ymwelwyr, ac mae nifer yr ymwelwyr yn gostwng wrth i chi deithio
i’r dwyrain i fyny’r dyffryn. Nid oes unrhyw gyrchfan ymwelwyr
o bwys yn Rhan Isaf Dyffryn Teifi na Dref-fach a Felindre fel y rhai a
geir yn ne sir Benfro ac o ganlyniad bu effaith y diwydiant twristiaeth
a hamdden ar y dirwedd hanesyddol yn gymharol ddibwys. Mae Abaty Llandudoch,
Tref Aberteifi, Castell Cilgerran a cheunant a gwarchodfa natur Cilgerran,
Rhaeadrau Cenarth, Castellnewydd Emlyn ac amgueddfa melin gwlân
Amgueddfeydd ac Orielau Cenedlaethol Cymru yn Nhref-fach Felindre yn denu
ymwelwyr, ond mae’r lleoliadau hyn yn elfennau yn y dirwedd hanesyddol
yn eu rhinwedd eu hunain, ac mae eu helfennau twristaidd cysylltiedig
- sef meysydd parcio, toiledafu, siopau - ar raddfa fach iawn. Gall pobl
sy’n ymweld â hwy deithio gryn bellter bob dydd neu gallant
fod yn dwristiaid sy’n aros mewn cartrefi gwyliau, adeiladau fferm
a addaswyd neu lety gwely a brecwast - y math o gyfleuster nad yw’n
cael fawr ddim effaith ar y dirwedd. Ceir rhywfaint o lety gwyliau ar
raddfa fwy megis parc cabanau gwyliau a charafanau y tu allan i Genarth,
ond mae’r mwyafrif o’r cyfleusterau twristaidd wedi’u
lleoli i lawr yr afon o Aberteifi tua’r arfordir. Er hynny, ar wahân
i feysydd parcio bach, tai a gwestai yng Ngwbert a pharc carafanau a pharc/iard
hwylio ar lan yr afon, nid yw’r diwydiant twristiaeth yn cael fawr
ddim effaith ar y dirwedd hanesyddol.
|