|
Efallai fod teithwyr ar yr A4069 dros y Mynydd Du rhwng Llangadog a Brynaman wedi sylwi ar gofeb ar lan y ffordd yn coffáu marwolaeth David Davies o Wynfe, a gafodd ei wasgu i farwolaeth ym 1884 yn 22 oed gan ei gert oedd yn llawn calch. |
|
Mae'r gofeb yn sefyll mewn tirlun trawiadol o hardd gyda chwareli calchfaen ac odynau calch o fewn Parc Cenedlaethol Bannau Brycheiniog a Geoparc Fforest Fawr. |
|
Yn aml caiff cyfraniad hanfodol calch i greu tirweddau Cymru fel rydym ni'n adnabod y wlad heddiw ei esgeuluso. Mae ei nodweddion alcalïaidd wedi galluogi ffermwyr i drawsnewid priddoedd asid yn dir fferm cynhyrchiol; mae ei ddefnydd fel morter a gwyngalch wedi helpu i adeiladu ein trefi a'n dinasoedd. Mae calch a chalchfaen yn hanfodol hyd yn oed mewn prosesau diwydiannol megis mwyndoddi haearn a chopr a helpodd wneud Cymru'n enwog drwy'r byd.
|
|
Mae'r
Parc Cenedlaethol Bannau Brycheiniog yn cydnabod
bod angen cadw'r olion diwydiannol pwysig
hyn, a hefyd y byddai gwella mynediad cyhoeddus
a darparu gwybodaeth am y safle yn denu ymwelwyr
newydd ac yn dod â buddion i gymunedau
lleol. Mae prosiect CALCH wedi gwneud y chwareli
yn lefydd hynod o ddifyr i ymweld a dysgu
am etifeddiaeth ddiwydiannol, bywyd gwyllt,
hanes cymdeithasol a daeareg yr ardal.
|
|
Yn
ystod y prosiect cynhelir llawer o wahanol
ddigwyddiadau a gweithgareddau, gyda chyfleoedd
i bobl gymryd rhan mewn pob math o ffyrdd.
Edrychwch drwy'r wefan yma i weld beth wnaeth
pawb wneud! |
|