MIGNEN PINGED - ALLGRAIG HEB EI HAMGÁU
CYFEIRNOD GRID: SN 420025
ARDAL MEWN HECTARAU: 50.07
Cefndir Hanesyddol
Ardal o Fignen Pinged sydd wedi aros heb ei hamgáu. Ardal o iseldir
arfordirol yw Mignen Pinged a ddatblygodd wrth geg Afon Gwendraeth Fawr
y tu ôl, ac i'r dwyrain o gyfuniad o dwyni mawr Twyni Tywod Pen-bre dros
gyfnod o amser ond yn bennaf yn ystod y cyfnod Ôl-ganoloesol. Fodd bynnag,
roedd yr ardal yn dal yn agored i lifogydd cyson hyd nes dechrau'r 19eg
ganrif, ac er gwaethaf y ddarpariaeth o forgloddiau yn y 18fed a'r 19eg
ganrif, ac adeiladu arglawdd rheilffordd ym 1852, mae'n parhau i fod yn
wlyb iawn ac yn ffiniol. Ni fu neb erioed yn byw yno.
Map a atgynhyrchwyd o fap yr OS gyda chaniatad yr Arolwg
Ordnans ar ran Rheolwr Llyfrfa Ei Mawrhydi, © Hawlfraint y Goron 2001.
Cedwir pob hawl. Byddai ei atgynhyrchu heb ganiatad yn torri Hawlfraint
y Goron a gall hynny arwain at erlyniad neu achos sifil. Rhif y drwydded:
GD272221
Disgrifiad ac elfennau tirlun hanesyddol hanfodol
Mae hwn yn ddarn bach o dir gwastad, heb ei amgáu, wrth droed Mynydd Pen-bre,
ond ychydig o fetrau uwchlaw lefel y môr, gan gwmpasu tir pori gwlyb heb
ei wella. Prif linell rheilffordd y Great Western yn Ne Cymru, a agorwyd
ym 1852, yw ei ffin orllewinol. Yn croesi'r ardal mae hen Gamlas Cyd-weli
a Llanelli gynt, a adeiladwyd ym 1814-1820 ac y'i disodlwyd gan Reilffordd
Porthtywyn a Chwm Gwendraeth a osodwyd dros y gamlas ym 1866 (Ludlow 1999,30),
ac mae'r arglawdd yn dal i oroesi. Mae cangen o'r gamlas hefyd yn goroesi
fel cloddwaith sy'n croesi'r ardal; cludai lo i'r brif gamlas o'r pyllau
uwchlaw Coed.
Nid oes archeoleg sylfaenol wedi'i chofnodi.
Nid oes adeiladau yn yr ardal.
O ran cymeriad mae hon yn ardal tirlun hanesyddol hynod
a phendant. I'r gogledd, de a'r dwyrain mae tir uwch yn derfyn gyda ffermydd
a systemau caeau hirsefydlog, ac i'r gorllewin mae ardal amgaeëdig Mignen
Pinged yn derfyn.
|